Want brued(er) jacop de blesere als procur(eur) des/ goidshuys van s(in)te marien te seve(n)borre(n) in zoenie(n)/ geleydt sijnde ond(er) den ande(re)n nae des(er) stadt recht/ voir sijn wettich gebreck uut crachte van scepen(en) brieve(n)/ van loven(en) tot allen den goeden beyde have en(de) erve/ gheerts vander haghen en(de) thomaes wijle(n) thuyni(n)cx/ soe wair die gelegen sijn hem met eene(n) open(en) brieve/ van des(er) stadt gescreve(n) aen allen officie(re)n oft hue(re)n/ stedehoude(re)n alle deselve goede behoirlijck heeft/ doen leve(re)n en(de) den voirs(creven) g(er)de vand(er) hage(n) den/ kinde(re)n en(de) erfgename(n) des voirs(creven) wijle(n) thomaes/ dach van rechte te compare(re)n inde banck voir/ meye(r) ende scepen(en) van loven(en) doen besceyden oft/ zij hen tege(n) deselve leveringe hadden willen/ oppone(re)n Wair zij op heden als ten verstreken(en)/ dage niet gecompareert en zijn noch oick p(ro)cur(eur)/ van hue(e)n wegen den voirs(creven) geleydden altijt/ compare(re)nde en(de) trecht voirt versueken(de) soe/ v(er)re dat de scepen(en) van loven(en) t(er) manissen smeyers/ nae dat hen bij rappoirte en(de) cleernissen thiebouts/ steenweghs des(er) stadt gezwoirnen(en) bode behoirlijc/ gebleken heeft de voirs(creven) leveri(n)ge en(de) dach bescey/ dinge gesciet te sijne bijde offic(ie)rs van buedinge(n)/ en(de) beetse gewesen hebben voir een vonnesse Wair
//
de wed(er)p(ar)tie des voirs(creven) des voirs(creven) geleydden/ niet en compareert ten opstaen(e) smeyers ende/ d(er) scepen(en) datmen den selve(n) geleydden houd(en)/ soude inde macht van sijne(n) beleyde scepen(en)/ brieve(n) en(de) leveringe(n) alsoe v(er)re alst noch voir/ scepen(en) comen es in scampno februarii xxiii