Want pauwel rampart als procur(eur) zijnd(er) moed(er)/ weduwe weyns wijle(n) rampart geleydt sijnde/ nae des(er) stadt recht voir sijn wettich gebreck/ uut crachte van scepen(en) brieve(n) van loven(en) tot allen/ den goeden beyde have en(de) erve jouffr(ouwe) marien/ van langele weduwe willems wijlen cillen huers/ yerste mans en(de) jans wijlen thybout huers leste/ mans ende willems cillen soe wair die gelegen/ sijn hem met brieve(n) van des(er) stadt gescreven/ aenden meye(r) van ned(er)lynthere oft sijne(n) stadhoud(er)/ alle deselve goede behoirlijck heeft doen leve(re)n/ en(de) d(er) voirs(creven) jouffr(ouwe) marien en(de) willem(me) cillen dach/ van rechte compare(re)n inde banck voir meye(r)/ en(de) scepen(en) van loven(en) doen besceyden oft zij hen/ tegen deselve leveringe hadden willen oppone(re)n/ Aldair zij op heden als ten verstreken(en) dage niet/ gecompareert en zijn noch oick procur(eur) van hue(re)n/ wegen gerardus de thymo al(ia)s vand(er) male/ oick als procur(eur) d(er) voirs(creven) weduwen weyns wijle(n)/ rampart trecht voirt versocht heeft soe v(er)re/ dat de scepen(en) van loven(en) t(er) manissen smeyers/ nae dat hen bij rescripte jans taelmans meyers/ van ned(er)lynthe(r) gebleken heeft de voirs(creven) leveri(n)ge/ en(de) dach besceydinge gesciet te sijne gewesen hebben/ voir een vonnesse Wair de wed(er)p(ar)tie vand(en)/ voirs(creven) geleydden niet en compareert ten opstaen(e)/ smeyers en(de) d(er) scepen(en) datmen den selve(n) geleydd(en)/ houd(en) soude inde macht van sijne(n) beleyde/ scepen(en) brieve(n) en(de) leveringe(n) alsoe v(er)re alst noch/ voir scepen(en) come(n) es in scampno februarii xxiii