Want peter van dormale als procur(eur) des godshuys/ van tshertoge(n)dale geleydt sijnde nae des(er) stadt/ recht voir sijn wettich gebreck uut crachte van scepen(en)/ brieve(n) van loven(en) tot allen den goeden beyde have
//
ende erve pet(er)s ende wout(er)s geheete(n) boels/ gebrued(er)s sone(n) wijle(n) pet(er)s ende margrieten/ van dormale weduwe des voirs(creven) [wijle(n)] pet(er)s soe/ wair die gelegen sijn hem met brieve(n) van/ des(er) stadt gescreve(n) aenden meye(r) van hev(er)le/ oft zijne(n) stadhoude(r) te houthev(er)le alle deselve/ goede behoirlijck heeft doen leve(re)n en(de) den/ voirs(creven) p(er)sone(n) dach van rechte te compare(re)n/ inde banck voir meye(r) ende scepen(en) van loven(en)/ doen besceyden oft zij hier tege(n) deselve leveri(n)ge/ hadde(n) willen oppone(re)n Aldair zij op heden als/ ten verstreken(en) dage niet gecompareert en sijn/ noch procur(eur) van hue(re)n wegen den voirs(creven)/ geleydden altijt compare(re)nde ende trecht voirt/ versueken(de) soe verre dat de scepen(en) van loven(en)/ t(er) manissen smeyers nae dat hen bij rescripte/ claes ghielis meye(r) van hev(er)le gebleken heeft/ de voirs(creven) leveringe en(de) dach besceydinge/ gesciet te sijne gewesen hebben voir een vonnesse/ Wair de wed(er)p(ar)tie des voirs(creven) geleydden/ niet en compareert ten opstaen(e) smeyers ende/ d(er) scepen(en) datmen den selve(n) geleydd(en) houden/ soude inde macht van sijne(n) beleyde scepen(en)/ brieve(n) en(de) leveringe(n) alsoe v(er)re alst noch voir/ scepen(en) comen es in scampno m(ar)tii tercia