Item marie vande(n) berghe weduwe pet(er)s wijlen/ van winxele geheete(n) love(n)wech in p(rese)ntia heeft/ gekindt en(de) gelijdt dat jouffr(ouw) m(ar)griete voelkens/ weduwe raes wijle(n) van baussele huers leste mans/ huer dueghdelijck ende uut goeder vrientscap/ geleent heeft de stucken en(de) p(or)ceelen vand(en) haeff(liken)/ goeden begrepen inden inve(n)tar(is) hier nae volgen(de)/ ende dat deselve haeflijcke goeden toebehoiren/ der voirs(creven) jouffr(ouwe) m(ar)griete(n) als bij heur uutgepandt/ ende met rechte v(er)reyct voir de schult van eene(n)/ rinsgulden(en) lijfpen(sien) d(aer)inne de voirs(creven) wijle(n) peet(er) heur/ man t(er) selv(er) jouffr(ouwe) m(ar)griete(n) w(er)t met scepen(en) brieve(n) va(n)/ loeven(en) v(er)obligeert steet Geloven(de) deselve marie dat/ zij deselve goede niet mi(n)cken noch depostue(re)n en sal/ mair die der voirs(creven) jouffr(ouwe) m(ar)griete(n) tallen tijden/ als zij des bege(re)n sal laten volgen en(de) ov(er)leve(re)n als/ huer selv(er) properlijck toebehoiren(de) en(de) nyeman(de) and(er)s/ en(de) huer d(aer)aff altijt inne staen al wairt oick dat/ deselve goede oft enige van dien uuyt ocsuyne van/ huyshue(re)n oft rinte(n) opde huyse staen(de) d(aer) zij sal moege(n)/ inne woene(n) uutgepandt wordd(en) oft oick dat die
//
bij ongevalle v(er)brant v(er)lore(n) gestole(n) oft and(er)ssins/ ontvreemt wordde(n) oft ten mi(n)sten vand(er) so(m)men/ van elff rinsgulden(en) dat die moege(n) werdt sijn/ Want sij bijd(en) geswoiren scatt(er)s op thien rinsguld(en)/ gescadt sijn geweest en(de) d(aer)bij ande(re)n zed(er)t meer/ voir geboden es Ende voir alle(n) desen es borghe/ d(er) selv(er) marien arnt de wairsege(re) becke(r) den/ welken deselve marie d(aer)aff geloeft heeft scadeloes/ te houde(n) en(de) tontheffen cor(am) absoloens berghe m(ar)tii/ ix