Vand(er) questien gecomen bijd(en) rade vand(er) stadt/ tusschen jacoppe van raveschote t(er) eenre en(de) henr(icke)/ gibrechts coopman van bovinnes t(er) and(er) zijd(en) aengaen(de)/ zeke(re)n goeden de welke de voirs(creven) jacop alhier hadde/ doen co(m)me(re)n voir ingeseten(en) goet der stadt van antw(er)pe(n)/ uut gebreke van betalinge(n) van rinten die deselve/ jacop p(re)tendeerde te hebben op de voirs(creven) stadt van/ antwerpen Dair tegen de voirs(creven) henrick seydt/ dat tvoirs(creven) goet den ingeseten(en) van antwerpen/ niet toe en behoirde mair hem selven ende stont/ tot zijne(n) p(er)icle en(de) laste tot dat hijt ind(er) stadt van/ antwerpen soude weten te leve(re)n p(rese)nte(re)nde d(aer)aff/ genoech te doene Alsoe dat p(ar)tien hierop gehoirt/ uutgesproken werdt soe verre de voirs(creven) jacop/ sijne(n) eedt dade ind(er) maten als bove(n) dat hem/ tgoet ombeco(m)mert volgen soude Welken eedt/ de voirs(creven) jacop hem v(er)droech metten welken de/ voirs(creven) jacop alnoch nyet te vreden en es geweest
//
mair heeft desen niet wed(er)staen(de) tvoirs(creven) goet/ alnoch geco(m)mert gehouden seggen(de) dat hij thoene(n)/ woude dat de voirman die tgoet gelade(n) hadde/ te weten(e) negen reepe(n) ketelen d(aer) questie aff was/ geseeght soude hebben t(er) p(rese)ntien van meer ande(r)/ p(er)soene(n) dat poirt(er)s goet van antw(er)pen was/ bliven(de) alsoe alnoch deselve jacop bij sijn voir/ voirnemen Dair tegen de voirs(creven) coopman tot/ zijnd(er) baten nam tvoirs(creven) gewijsde en(de) oick dat/ jacop hem den eedt in dien verdrage(n) hadde/ en(de) dat alsoe ongefundeert was des deselve/ jacop in desen p(re)tende(re)n mochte Te voird(er) oick/ want de voirs(creven) henrick aldair dede blijcke(n) bijd(en)/ tollene(r) van loven(en) oft zijne(n) dienae(r) dat tvoirs(creven)/ goet vertolt was voir onvrij goet seggen(de) alsoe/ deselve henr(ic) dat dat niet sijn en soude noch/ behoeve(n) in alsoe v(er)re tselve ingeseten(en) van/ antw(er)pen toebehoirde gem(er)ct dat die vry sijn/ opde(n) brabantsche(n) tol Sustine(re)nde alsoe deselve/ henr(ic) dat tvoirs(creven) goet costeloes en(de) schadeloes/ ontslagen soude wordd(en) es ut(er)lijck alnoch v(er)claert/ en(de) gewesen nae alt(er)catien van p(ar)tien dat de/ wethoud(er)s nae alle voirgesciedenissen ende/ cleernissen voirs(creven) bleve(n) bij tvoirs(creven) gewijsde en(de)/ dat jacop sculdich sal sijn sijn hande vand(en)/ voirs(creven) goeden te lichten en(de) den voirs(creven) henr(icke)/ dat costeloes end scadeloes laten volge(n) sond(er)/ meer calangien Ende oft des bij jacoppe niet/ en gebuerde soude de wet d(aer)op nairde(r) moete(n)/ v(er)sien Act(um) in cons(ili)[o] opidi martii x