Item jan neve geheete(n) sargemake(re) ende marie/ sijn zust(er) weduwe m(er)tens wijle(n) pelriaux beyde/ woenen(de) inde voerboechte van nyvele in p(rese)ntia/ hebben gekindt en(de) gelijdt dat he(n) bijde(n) eerw(er)dige(n)/ hee(r) meeste(re)n gielise fabri doctoir ind(er) heylig(er)/ godheyt en(de) arnoldo van kets den oud(en) beyde/ als executeurs vand(en) testame(n)te en(de) uuyt(er)ste(n) wille/ katlijne(n) wijle(n) moelesleg(er)s wettige weerdi(n)ne/ desselfs arnoldi uut crachte vand(en) selve(n) testame(n)te/ bij hue(r) gemaict met consente vand(en) selve(n) arnold(en)/ vand(er) daet d(er) gebuerte(n) ons hee(re)n m iiii[c] lxxxviii/ januarii xii dair notar(is) aff was h(er) lodewijck roe/ keloes en(de) besund(er)t vand(er) clausule(n) d(aer)inne begrepen/ luyden(de) aldus It(em) es den wille vand(er) testatersse
//
voirs(creven) dat alsoe v(er)re mariken hue(r) docht(er) storve/ eer zij geprofest wae(r) in e(n)nig(er) ordene(n) oft tot/ huwelijcke state te come(n) dat alsdan alle de goede/ have en(de) erve bevonde(n) acht(er) der voirs(creven) marien/ sulle(n) aen aenveert wordde(n) bij hue(r) mo(m)boire(n)/ en(de) gedistribueert bijde(n) selve(n) mo(m)boire(n) deen hellicht/ totte(n) erfgename(n) van katlijne(n) hue(re)r moed(er) zijd(en)/ niet nae dat zij naird(er) sijn van bloede en(de) geslechte/ mair nae dat zijs meest behoeven(de) sijn want/ zijt hen laet niet als hue(re)n erfgename(n) mair in/ aelmoessen en(de) dese distributie sal staen t(er) disc(re)tien/ vand(en) mo(m)boire(n) uuytgereyct en(de) betaelt es een/ zeke(r) so(m)me van pe(n)ninge(n) vand(er) welk(er) zij als/ maechelinge(n) en(de) mede erfgename(n) vand(er) selv(er)/ moed(er) zijd(en) des wael te vrede(n) en(de) hem als des/ wel behoeven(de) grootelijck bedancken(de) zijn Ende/ dat deselve executeurs hen dair inne wel/ en(de) duechdelijck te henw(er)t hebbe(n) gequete(n) en(de)/ hen aengaen(de) tselve testament en(de) des dien/ aencleeft volcomelijck volbracht Scelden(de)/ d(aer)om de goede voirs(creven) acht(er) der voirs(creven) testament/ makersse gebleve(n) d(aer) zij e(n)nichssins inne gericht/ soud(en) moege(n) sijn nu oft namaels volcomelijc/ quijte voe(r) hen en(de) hue(re)n nacomelinge(n) van/ allen den rechte en(de) actien die sij dair toe/ soude(n) moege(n) eysschen oft hebben in e(n)nig(er) manie(re)n/ Hebben voirt deselve brued(er) en(de) zust(er) quijtgescouwe(n)/ volcomelijck en(de) schelde(n) mits desen quijte deselve/ executeurs van allen den bewinde regimente/ heffen oft leggen dat deselve executeurs va(n)d(en)/ selve(n) goeden e(n)nichssins gehadt moege(n) hebbe(n)/ Promitt(entes) null(atenus) alloqui sed war(andizare) prout cor(am)/ berghe hermeys m(ar)tii xvi