Tusschen claese van wynge die voe(r) den raide vand(er)/ stadt ontboden heeft arnde van vlasselair om van/ hem bij eede gecleert te hebben hoe vele der pe(n)ni(n)gen/ wae(re)n die hij henr(icke) bilien sculdich mocht wesen/ want hij dat behoirde te wete(n) ov(er)mits dat hij die/ des hij hem gedroech tott(er) wet met drie rastamente(n)/ behoirlijck uutgewonne(n) hadde soe v(er)re dat hem die/ vonneslijck aengewesen wae(re)n t(er) eenre en(de) den selve(n)/ arnde die alleg(er)de en(de) genoech bekinde dat die/ gedroege(n) xxii rinsgulden(en) oft d(aer)omtr(ent) Behalve(n) dat/ hem soe hij seyde d(aer)aen quame(n) vijff amen wijns/ die hij meynde af te cortte(n) t(er) ande(r) zijd(en) Nae dien oick/ dat p(ar)tien tande(re)n tijden voir wet hierom geweest hadd(en)/ dair deselve arnt doen vand(en) wijne te cortte(n) niet en/ v(er)maende en(de) deselve arnt nu oick alleg(er)de dat de so(m)me/ noch niet gevallen en was met meer woerd(en) Hebben de/ wethoude(re)n die sake v(er)stelt tot half vasten naistcomen(de)/ bij alsoe dat deselve arnt hie(re)nbynne(n) sal doen comen/ voe(r) den selve(n) raide den voirs(creven) henr(icke) om hem gehoirt/ en(de) oick p(ar)tien hier inne gedaen te wordd(en) des behoi(r)en/ sal Ende oft deselve henr(ic) hie(re)nbynne(n) alsoe niet en/ comp(ar)eerde datmen dan ten naisten dage van rechte/ d(aer)nae p(ar)tien zijnd(er) absen(tien) niet tege(n)staen(de) trecht onv(er)togelic/ sal doen geschien in cons(ili)[o] opidi p(rese)ntib(us) borch substi(tu)[to]/ buets(el)[e] burg(imagis)[tr(is)] et plu(r)ib(us) aliis de (con)silio m(ar)tii xvi