Item m(ar)griete vanden bossche weduwe henrici wijlen/ pickoes in sijne(n) leven(en) roeydraghe(r) der kercken van/ s(in)te pet(er)s te loeven(en) in p(rese)ntia heeft gekint en(de) gelijdt/ dat her jan de grove prieste(r) capellaen d(er) voirs(creven)/ kercken heur van wegen uut bevele en(de) consente he(re)n/ henricx van wittham hee(re) van bout(er)shem ridd(er)s die/ op zeke(r) goede desselfs he(re)n jans gelegen te bout(er)shem/ jairlijcx s(in)t andriesmesse heffen(de) es eene(n) sack corens/ erfpachts deuchdelijck betaelt en(de) zij van hem ontfang(en)/ heeft voir ons(er) liev(er) vrouwen liechtmesse lestleden/ drie sacken corens eens in afcortinge(n) vand(en) sesse/ sacken corens heur ombetaelt uutstaen(de) van drie/ jae(re)n lestleden vand(en) twee sacken corens die deselve/ hee(re) van boutershem der voirs(creven) weduwen jairlijcx/ sculdich es uut seke(r) saken tusschen hem en(de) huer/ uutstaende Heeft voirt gekint en(de) v(er)clairt de/ voirs(creven) weduwe dat de voirs(creven) her jan de grove ov(er)/ tweelf jae(re)n voir de voirs(creven) drie jae(re)n lestlede(n) heur/ betaelt heeft uut beheele van m(ijn) hee(re) van bout(er)shem/ oft zijnd(er) rintmeest(er)s voirs(creven) jairlijcx de voirs(creven) twee/ sacken core(n)s die deselve hee(re) van bout(er)shem gelijck/ voe(r) der voirs(creven) wed(uwe) jairlijcx sculd(ich) es niet tege(n)staen(de)/ / dat deselve her jan den voirs(creven) hee(re) van bout(er)shem/ alsdoen mair eene(n) sack corens vand(en) voirs(creven) goeden/ en(de) noch thien en(de) een halff molevate(n) corens van/ zeke(re)n ande(re)n goeden die hij nu niet meer besitten(de)/ en es mair heeft laten uutdagen sculdich en was/ Geloven(de) deselve weduwe den voirs(creven) he(re)n ja(n)ne/ de grove m(ijn) hee(re) van bout(er)shem noch zijne(n) rintmeest(er)s/ aen te spreken te moeyen noch te vexe(re)n bij heur/ selve noch bij nyeman(de) and(er)s in gheene(n) rechte/ gheestelijck en(de) weerlijck mair van des(er) kennessen/ en(de) quitan(tien) tege(n) eene(n)yegelijcken inne te staene/ en(de) gerecht warant te zijne prout cor(am) berghe/ hermeys martii xxii