Nae dien op heden inde banck voir meye(r) en(de) scepen(en)/ es comen roeland de becke(re) pelsmake(r) te kenne(n) geven(de)/ hoe dat hij voe(r) zeke(r) gebreck ende schult van negen/ rinsgul(den) van acht(er)stelligen verschenen(en) pachte d(aer)aff/ bartelmeeus van bruysten(en) sijn schult gemaict hadde/ ende den selven zeke(r) panden gegeve(n) te weten(e) acht/ ellen wullens lakens slecht ende eene(n) vrouwe(n)/ tabbaert met behoirliken rasteme(n)te op de selve pande/ hadde geprocedeert als dat behoirde Dwelc oic/ t(er) manissen smeyers ende bij vo(n)nessen van scepen(en) gebleke(n)/ heeft bij janne marijs(en) en(de) giel(ise) de vos vorste(re)n v(er)sueken(de)/ alsoe voirts de selve roeland trecht om tot zijnd(er)/ schult voirs(creven) met coste en(de) co(m)me(r) te moege(n) geraken D(aer)op/ scepen(en) wesen t(er) manissen smeyers anderwerff dat de/ voirs(creven) roelof sijn schult cle(re)n soude bij eede van des hij/ wettelijck tacht(er) wae(r) als de selve behoirlijck gedaen/ heeft t(er) so(m)men van negen rinsgul(den) voir tprincipael/ zonder cost en(de) co(m)me(r) Versueken(de) alnoch trecht voirt om/ tott(er) betali(n)gen in dien te moegen geraken als dat scepen(en)/ des gemaent zijnde bijde(n) meye(r) gewesen hebben dat/ de voirs(creven) roeland om sijn schult voirs(creven) met coste en(de)/ co(m)me(r) dairaen te verhalen(e) de voirs(creven) gerasteerde/ goede ten hoeghsten bringen sal Ov(er)de dair yet/ dat hij dat wed(er) kee(re)n soude en(de) oft dair gebrake/ dat hij dat soude moegen volgen nae recht/ in scampno aprilis t(er)cia