Vand(er) questien gecomen bijd(en) raide vand(er) stadt tussche(n)/ claese van wynge ter eenre ende arnde van vlasse/ lair ter ande(r) zijd(en) als van zeke(re)n v(er)volghe van/ rastamenten gedaen bijd(en) selve(n) claese op zeke(r) pe(n)ni(n)g(en)/ en(de) schulden die de selve arnt van vlasselair henr(icke)/ bielien mochte tacht(er) zijn D(aer)aff de vo(n)nesse(n) nad(er) selv(er)/ behoirlike(r) rastamenten ende procedue(re)n in dien/ bij scepen(en) gewese(n) zijn ten vordele desselfs claes om/ sijn gecleerde schult d(aer)aen te verhalen bege(re)nde alsoe/ / uutreycki(n)ge vand(er) selv(er) gecleerder schult vand(en) voirs(creven)/ arnde D(aer)op arnt seydt al mocht hij henr(ick) voirs(creven)/ sculdich sijn soe was deselve henrick bielien te hemw(er)ts/ gehouden in vijff amen wijns oft dair omtrint p(rese)nte(re)nde/ ofts behoefde bij eede d(aer)aff genoech te doene die hij d(aer)aen/ hoepte te cortten(e) ende tsurplus opdatt(er) yet wae(re) woude/ hij g(er)ne laten volgen den voirs(creven) claese hopen(de) d(aer)mede/ te gestaene met meer ande(r) woirde(n) ten effecte/ voirs(creven) bij hem gealleg(er)t Es geappointeert ende/ uutgesproken nae alle voirhandeli(n)gen in dese(n) gebuert/ ende besund(er)t de vo(n)nessen voir scepen(en) in desen/ gewesen dair de voirs(creven) arnt van vlasselair hem/ niet tegen geopponeert en heeft noch gealleg(er)t/ des hij nu allege(re)n mochte noch oic tande(re)n tijd(en)/ als hij om der selv(er) saken wille bijd(er) wet yerst/ geweest hadden Dat de voirs(creven) arnt den voirs(creven)/ claese vande(n) pe(n)ni(n)gen ende schulde(n) die hij den/ voirs(creven) henricke sculdich es v(er)nuege(n) sal ende/ betalen van zijnd(er) gecleerd(er) schult behalve(n) den/ selven van vlasselair sijn actie van sgheens des/ hij te kenne(n) mach geven aengaen(de) den voirs(creven)/ wijne(n) opden voirs(creven) henricke bielien in (con)silio/ opidi aprilis quarta