Hier nae volcht de procuratie/ dair af h(ier) voe(r) bove(n) me(n)tie gemaict es/ Wij suster joha(n)na van peerlijck p(ri)ori(n)ne en(de) tgemein/ co(n)vent des tsgoidshuys vanden xi[m] meeghden te loeven(en)/ op die halfstrate der ordene(n) sint augustijns r(e)ligieuse(n)/ inden crisdom van luydick doen condt en(de) kenlijck/ allen den ghenen die dese l(ette)ren sullen zien oft hoirten lese(n)
//
dat wij eendrachtelijck ordine(re)n constitue(re)n en(de) volcome(n)/ macht procurac geven den eerweerdigen en(de) wel gemi(n)den/ in goede bruede(re)n woute(re)n sweerts biechtvader der suste(re)n/ ons goidshuys voirs(creven) om van onsen wegen te derven ende/ af te gaen voe(r) scepen(en) van loeven(en) allen recht dat wij/ hebben aen die herberge vanden drie croene(n) met huysen/ hoven stallen uuytgaenck opde raymerct met alder/ huer(der) toebehoirten gelijck die gelege(n) es inde dorpstrate/ bij die goede wijlen henricx vander stappen nu jans/ van ravenscot barbiers op deen zijde en(de) francks van/ maerbeke beckers ter ande(r) zijden acht(er)weert gaen(de)/ aen die goede francks voirs(creven) meest(er) karels me(n)nekens/ die erfgename(n) wijlen baudewijns zoeten nu ph(ilip)s/ breyn anthonijs wijlen meys diericx van langrode/ nu vranckens kemels en(de) der erfgename(n) wijlen/ jans vander eycken nu jans vernalijten aen de derde zijde/ en(de) dair inne te laten erven en(de) gueden vranck kemels/ en(de) zijn huysvr(ouw) tot huerder behoef en(de) hue(re)n erfgename(n)/ erfelijcke(n) chijs voer uuytgaen(de) te wetene twee goude(n)/ ryders xxv stuv(er)s voe(r) de(n) pe(n)ni(n)ck der mu(n)te(n) ts(er)toge(n)/ ph(ilip)s van burg(oignen) en(de) brabant (et)c(etera) out chijs diversen/ p(er)sone(n) seven ryders negen ryders acht stuv(er)s den collegie/ vander theologien onse goidsh(uys) ende gielijs joly sesse/ ryders met meer ande(r) chijse dair voe(r) uuytgaen(de)/ gedragen(de) alle tsamen xxv ryders mu(n)ten als voe(r)/ en(de) voirt meer dat ons gedaen sal werdden vanden/ onderpandt nae der come(n)scap gelijck zij geschiet es/ en(de) allet te doene dat wij sculdich wae(re)n te doene/ waere(n) wij dair voer oogen in des(er) sake(n) Geloven/ guet gestentich en(de) van weerden te houde(n) soe wat/ gedaen sal werdden inder sake(n) voirs(creven) bij onsen eerwedige(n)/ biechtvader voirs(creven) ten eeuwege(n) daigen voir ons en(de) onse/ nacomel(ingen) alle argelist uuytgesloten in kynnisse der waerh(eyt)/ hebbe(n) wij p(ri)ori(n)ne en(de) tgemeyn co(n)ve(n)t ons(er) gemeyne(n) zegele des(er) l(ette)ren/ aengeha(n)ge(n) a(nn)[o] xiiii[c] xcii xix daige m(ar)tii nae tscrive(n) shoofs/ van luydick