Item willem van vlasselair stedehoude(r) smeyers van cu(m)ptich onder/ de banck van cumptich heeft gecleert bij zijne(n) eede dat hij/ uuyt versueckbrieve(n) der stadt van loven(e) geimpetreert bij baude/ wijne jorijs als geleydt nae des(er) stadt recht van loven(e) tot/ allen den goeden have en(de) erve gielis va(n)d(en) huffle met voirgaen(de)/ kercgebod(en) op hoegen vercocht heeft o(m)trint drie boende(re)n soe/ lants soe boschs gelegen in div(er)sen stucken en(de) plaetssen onder/ de banck van kerckem en(de) dat die metten uuytgaene/ vand(en) berrend(er) kerssen gebleve(n) zijn ja(n)ne hubrechts coepe(r)/ van dien als den hoochsten en(de) meesten dair voe(r) bieden(de)/ om en(de) voe(r) de so(m)me van tseventich rinsgulden(en) te twintich/ stuv(er)s tstuck dair aff de costen van pontpe(n)ni(n)gen beleyde/ gued(inge) en(de) alle ande(r) gaen moete(n) cor(am) absoloens h(er)meys/ april(is) xiiii