Item jan oirlemans al(ia)s de bye woenende/ te tielborch ond(er) de heerlicheyt van loon en(de)/ de meyerie vanden bossche in p(rese)ntia heeft/ gekint ende gelijdt wettich vercocht en(de)/ getransporteert te hebben he(re)n gheerde beris/ van tielborch prieste(r) capellaen der kercken/ van sinte pet(er)s te loeven(en) alsulk(er) haef/ lijcke(n) ende gereede goede alse deselve jan/ oirlemans tegewoirdichlijck heeft en(de) besidt/ te tilborch voirs(creven) ende dair omtrint ende/ insgelijcx de vruchten ende profijten van/ vierentwintich loepen saet corens ende van/ allen alsulken beemden ende eeusselen alse/ deselve jan oirlemans liggen(de) heeft te tilborch/ voirs(creven) ende dair omtrint voir een zeke(r) so(m)me/ van vijftich rinssche gulden(en) eens voir dafquijte(n)/ van eene(n) mudde rocx erffelijck verstorve(n) der/ moed(er) des voirs(crveven) he(re)n gheerts van goirds weg(en)/ van hulst van oist(er)ijck dair inne deselve/ jan oirlemans ten voirs(creven) he(re)n gheerde w(er)t/ dueghdelijck ende sonder fraude oft argelist/ gehouden ende belanck es promitt(ens) sat(isfacere)/ prout Transporte(re)nde ende ov(er)geven(de) mits dese(n)/ deselve jan van voirs(creven) he(re)n gheerde alle/ deselve goede ende vruchten totter selver/ sijnd(er) wettiger scult behoef Geloven(de) he(m)/ die te doen ende laten volgen de ge(re)de en(de)/ haeflijcke goed(en) voirs(creven) ter stont ende de/ vruchten voirs(creven) soe geringe die tijtverdich/ sulle(n) sijn om d(aer)aen sijn gebrek(en) voirs(creven) te v(er)hale(n) cor(am)/ b(er)ge hove ap(ri)lis xxvi