SAL7385, Akte: R°523.2-V°524.1 (939 van 1086)
Akte R°523.2-V°524.1
Act
Datum: 1492-05-11
Transcriptie
2018-10-23 door kristiaan magnusCondt zij allen lieden dat reyne(r) scherme(re) zone wijlen jans en(de)/
margriete leemans zijn wettich wijf in p(rese)ncia hebben genome(n)/
ende bekynt genome(n) te hebben(e) van augustijne(n) opten berch/
de huysinghe mett(er) schue(re)n ende stallen gelijck die alsnu gestaen/
en(de) gelegen zijn te rotselair ter plaetsen genoempt te/
broeckmoelen opde condicie wes d(aer) inne gebroken wordt/
vander nederster rijkele(n) nederwert sal de wynne dat moeten/
doen maken sonder [des] voirs(creven) augustijns cost Item sal de wynne/
jairlijcx hebbe(n) sonder hue(r) de prouffijten van eene(n) coelhof/
staen(de) acht(er) de woeni(n)ge metten appelle(n) jairlijcx d(aer) inne/
wassen(de) behalven half de wynter peren ende alle de/
wijen wassende jairlijcx inde(n) selven coelhof die sal augustijn/
alleen hebbe(n) Item sal de selve wy(n)ne noch jairlijcx hebben/
alle die appelen wassende in een block geheete(n) switten/
block ende oick in een eeussel gelege(n) tege(n) dese woeni(n)ge/
over genoempt boschof ende dair toe den val van/
eene(n) boeg(ar)de [genoemt] spleckers eeussel behalve(n) den wintval
//
Item noch heeft de selve wynne genome(n) tegen den voirs(creven) aug(ustijne)/ alsulcken wynnen(de) landen beempden en(de) eeusselen als zij/ vanden voirs(creven) aug(ustijne) over genome(n) hebben in een gescrifte d(aer)af/ gemaict zijnde dair af de selve aug(ustijn) de gelijcke cedulle/ af behoude(n) heeft dair elc p(ar)tie van landen beempde(n) en(de)/ eeusselen met regenoete(n) ende metter maten inne gescreve(n)/ staen gelijck die tande(re)n [tijd(en)] bij eene(n) geswoirnen(en) lantmete(r)/ bevonde(n) zijn geweest Te houden te hebben te wynnen/ ende te werven van halfmerte lestleden eene(n) t(er)mijn/ van acht jae(re)n deen nae dande(r) sonder middel vervolgen(de)/ elcx jairs elc dachmael lants d(aer)af om en(de) voe(r)/ seven molevate(n) rocx goet en(de) cusbaer met wa(n)ne/ en(de) met vederen wel bereit d(er) maten van loeven(en) s(in)te/ andriesmisse apostels te betalen(e) ende te loeven(en) te/ leve(re)n den voirs(creven) augustijne(n) telcke(n) t(er)mijne als verreycte/ scult Met vorweerde dat de voirs(creven) wynne ten ynde/ der voirs(creven) acht jae(re)n gehoude(n) sal zijn de voirs(creven) lande/ te laten(e) bezaet gemest en(de) geerrent gelijc die selve/ cendulle dat claerlijck van stucke te stuck(e) innehult/ ende gelijck de selve wynne dat aenveert heeft en(de)/ bevonde(n) Item elck dachmael beempts en(de) eeussels/ d(aer)af oick als voe(r) twee gescriften zijn gemaict voe(r)/ xiiii stuv(er)s tsjaers strecken(de) totter geheelder so(m)me(n) toe/ alle jaire tallen sinte m(er)tensmisse te betalen(e) den/ voirs(creven) augustijne(n) telcke(n) t(er)mijne als verreycte scult/ Welcke eeussele(n) ende beempde(n) de selve wynne/ jairlijcx selen moete(n) vermaken en(de) houde(n) van thuyne(n)/ van quaden wegen ende de wat(er)lede(n) te ruyme(n) talle(n)/ tijden ende soe dicwille als dat van noode zijn sal/ sonder augustijns cost Des sal de selve wynne moege(n)/ houde(n) sonder vercoopen alle die willeghen en(de) popelie(re)n/ ten tijde als [zij] houberich zijn staende bynne(n) de selve/ eeussele(n) ende beempden Item sal de selve augustijn/ den selve(n) zijne(n) wynne jairlijcx setten eene(n) hantwercke(r)
//
ten tijde alsmen de eeusselen vermaken zall op zijne(n)/ last den welck(en) de wynne alsoe lange alsmen tselve/ vermaken sal sculdich zal zijn te hulpen(e) oft te doen/ hulpen(e) ende sal de wynne sculdich zijn den ghene(n)/ die augustijn setten sal den cost te geven(e) alsoe lange/ als dat dueren sal sonder augustijns cost Item en sal/ de selve wynne dese lande niet moegen hoervruchte(n)/ ten lesten drie jae(re)n anders dan een dachmael opten/ wijng(ar)t dwelck alsnu gherste gehadt heeft ende/ omtrindt een dachmael op tgroot block dwelck alsnu/ rape(n) gehadt heeft Item en zal de selve wynne ten/ lesten drie jae(re)n de eeusselen oft beempde(n) niet moege(n)/ sayen oft breken mair sal die moeten laten gelijck/ hij die alsnu van aug(ustijn) aenveerdt heeft Item sal/ de selve wynne jairlijcx moeten leve(re)n totter/ rep(ar)acie(n) vanden huysen behalve(n) de leste drie jae(re)n/ de so(m)me van xxxii busselen walms ende wa(n)neer/ men die verdecken zald sal die wynne de(n) werc/
lude(n) sculdich zijn den coste te geven(e) Item sal de/
wynne jairlijcx hebben voir zijn beringhe de quade/
oude thuyne(n) de verdroechde willeghen ende popelie(re)n/
den afval vand(en) loeke ende dair toe sal hem augustijn/
jairlijcx geven drie mijten weeks houts oft sal he(m)/
jairlijcx d(aer) voe(r) cortte(n) op tghene des hij hem jairl(ijx)/
sculdich sal wesen voir yegelijcke mijte houts de so(m)me/
van xviii stuv(er)s eens Int welcke augustijn zijne(n)/
koese behoude(n) heeft ende hiermede sal de voirs(creven)/
augustijn voir hem behoude(n) alle zijne(n) geheele(n) houtwas/
hoedanich dat hout genoempt mach wesen ende te/
wat plaetsen datme(n) dat bevi(n)den sal behalven/
de willegen ende popelie(re)n boven gescreven
//
Item sal de voirs(creven) wynne de(n) voirs(creven) augustijne jairlijcx/ moeten doen vier vrachten tot loeven(en) oft dier gelijcke/ plaetsen Item en sal de selve wynne gheen ande(r) lant/ moegen houde(n) noch hueren noch oick egheen(en) walm/ oft stroe vercoopen mair sal tselve stroe dat hij/ jairlijcx inne doen sal gehoude(n) zijn inde(n) hove te/ sliten(e) met zijne(n) beesten ende inde messie te bringen(e)/ om die alsoe goet ende alzoe weerdt te laten(e) gelijck/ hij die aenveert heeft Item hebben de selve p(er)sone(n)/ noch bekynt sculdich te zijne den selve(n) augustijne/ ende dat ter causen van vier coeyen twee p(er)den/ ende eene(n) wagen(en) met eender ploech met hue(re)n/ toebehoirte(n) die zij inden jaire van negentich lestlede(n)/ tegen de(n) selve(n) augustijne(n) gecocht hebben voir een/ so(m)me van vijftich r(ins) gulden(en) eens Welcke/ so(m)me de selve p(er)sone(n) gelove(n) de(n) selve(n) augustijne/ te betalen(e) inder manie(re)n gelijck hier nae volcht/ Te weten(e) dat zij hem betalen sulle(n) tussche(n) dit/ ende sintem(er)tensmisse naistcomen(de) over jair/ a(n)no xciii[tich] de so(m)me van seven r(ins) gul(den) sinte m(er)tensmisse/ a(n)no xciiii dair nae seven r(ins) gul(den) sinte m(er)tensmisse a(nn)o/ xcv dair nae vii r(ins) gul(den) sinte m(er)tensmisse a(nn)[o] xcvi/ dair nae vii r(ins) gul(den) sinte m(er)tensmisse a(nn)[o] xcvii d(aer)nae/ vii r(ins) gul(den) sinte m(er)tensmisse a(n)no xcviii d(aer) nae vii r(ins)/ g(ulden) ende sinte m(er)tensmisse a(n)no xcix d(aer)nae viii r(ins)/ gul(den) maict tsame(n) dese so(m)me vijftich r(ins) gul(den) en(de)/ telcken t(er)mijne als verreycte scult Ende alle dese/ voirs(creven) vorweerde(n) (et)c(etera) cor(am) berge naus(nydere) maii xi
//
Item noch heeft de selve wynne genome(n) tegen den voirs(creven) aug(ustijne)/ alsulcken wynnen(de) landen beempden en(de) eeusselen als zij/ vanden voirs(creven) aug(ustijne) over genome(n) hebben in een gescrifte d(aer)af/ gemaict zijnde dair af de selve aug(ustijn) de gelijcke cedulle/ af behoude(n) heeft dair elc p(ar)tie van landen beempde(n) en(de)/ eeusselen met regenoete(n) ende metter maten inne gescreve(n)/ staen gelijck die tande(re)n [tijd(en)] bij eene(n) geswoirnen(en) lantmete(r)/ bevonde(n) zijn geweest Te houden te hebben te wynnen/ ende te werven van halfmerte lestleden eene(n) t(er)mijn/ van acht jae(re)n deen nae dande(r) sonder middel vervolgen(de)/ elcx jairs elc dachmael lants d(aer)af om en(de) voe(r)/ seven molevate(n) rocx goet en(de) cusbaer met wa(n)ne/ en(de) met vederen wel bereit d(er) maten van loeven(en) s(in)te/ andriesmisse apostels te betalen(e) ende te loeven(en) te/ leve(re)n den voirs(creven) augustijne(n) telcke(n) t(er)mijne als verreycte/ scult Met vorweerde dat de voirs(creven) wynne ten ynde/ der voirs(creven) acht jae(re)n gehoude(n) sal zijn de voirs(creven) lande/ te laten(e) bezaet gemest en(de) geerrent gelijc die selve/ cendulle dat claerlijck van stucke te stuck(e) innehult/ ende gelijck de selve wynne dat aenveert heeft en(de)/ bevonde(n) Item elck dachmael beempts en(de) eeussels/ d(aer)af oick als voe(r) twee gescriften zijn gemaict voe(r)/ xiiii stuv(er)s tsjaers strecken(de) totter geheelder so(m)me(n) toe/ alle jaire tallen sinte m(er)tensmisse te betalen(e) den/ voirs(creven) augustijne(n) telcke(n) t(er)mijne als verreycte scult/ Welcke eeussele(n) ende beempde(n) de selve wynne/ jairlijcx selen moete(n) vermaken en(de) houde(n) van thuyne(n)/ van quaden wegen ende de wat(er)lede(n) te ruyme(n) talle(n)/ tijden ende soe dicwille als dat van noode zijn sal/ sonder augustijns cost Des sal de selve wynne moege(n)/ houde(n) sonder vercoopen alle die willeghen en(de) popelie(re)n/ ten tijde als [zij] houberich zijn staende bynne(n) de selve/ eeussele(n) ende beempden Item sal de selve augustijn/ den selve(n) zijne(n) wynne jairlijcx setten eene(n) hantwercke(r)
//
ten tijde alsmen de eeusselen vermaken zall op zijne(n)/ last den welck(en) de wynne alsoe lange alsmen tselve/ vermaken sal sculdich zal zijn te hulpen(e) oft te doen/ hulpen(e) ende sal de wynne sculdich zijn den ghene(n)/ die augustijn setten sal den cost te geven(e) alsoe lange/ als dat dueren sal sonder augustijns cost Item en sal/ de selve wynne dese lande niet moegen hoervruchte(n)/ ten lesten drie jae(re)n anders dan een dachmael opten/ wijng(ar)t dwelck alsnu gherste gehadt heeft ende/ omtrindt een dachmael op tgroot block dwelck alsnu/ rape(n) gehadt heeft Item en zal de selve wynne ten/ lesten drie jae(re)n de eeusselen oft beempde(n) niet moege(n)/ sayen oft breken mair sal die moeten laten gelijck/ hij die alsnu van aug(ustijn) aenveerdt heeft Item sal/ de selve wynne jairlijcx moeten leve(re)n totter/ rep(ar)acie(n) vanden huysen behalve(n) de leste drie jae(re)n/ de so(m)me van xxxii busselen walms ende wa(n)neer/ men die verdecken zal
//
Item sal de voirs(creven) wynne de(n) voirs(creven) augustijne jairlijcx/ moeten doen vier vrachten tot loeven(en) oft dier gelijcke/ plaetsen Item en sal de selve wynne gheen ande(r) lant/ moegen houde(n) noch hueren noch oick egheen(en) walm/ oft stroe vercoopen mair sal tselve stroe dat hij/ jairlijcx inne doen sal gehoude(n) zijn inde(n) hove te/ sliten(e) met zijne(n) beesten ende inde messie te bringen(e)/ om die alsoe goet ende alzoe weerdt te laten(e) gelijck/ hij die aenveert heeft Item hebben de selve p(er)sone(n)/ noch bekynt sculdich te zijne den selve(n) augustijne/ ende dat ter causen van vier coeyen twee p(er)den/ ende eene(n) wagen(en) met eender ploech met hue(re)n/ toebehoirte(n) die zij inden jaire van negentich lestlede(n)/ tegen de(n) selve(n) augustijne(n) gecocht hebben voir een/ so(m)me van vijftich r(ins) gulden(en) eens Welcke/ so(m)me de selve p(er)sone(n) gelove(n) de(n) selve(n) augustijne/ te betalen(e) inder manie(re)n gelijck hier nae volcht/ Te weten(e) dat zij hem betalen sulle(n) tussche(n) dit/ ende sintem(er)tensmisse naistcomen(de) over jair/ a(n)no xciii[tich] de so(m)me van seven r(ins) gul(den) sinte m(er)tensmisse/ a(n)no xciiii dair nae seven r(ins) gul(den) sinte m(er)tensmisse a(nn)o/ xcv dair nae vii r(ins) gul(den) sinte m(er)tensmisse a(nn)[o] xcvi/ dair nae vii r(ins) gul(den) sinte m(er)tensmisse a(nn)[o] xcvii d(aer)nae/ vii r(ins) gul(den) sinte m(er)tensmisse a(n)no xcviii d(aer) nae vii r(ins)/ g(ulden) ende sinte m(er)tensmisse a(n)no xcix d(aer)nae viii r(ins)/ gul(den) maict tsame(n) dese so(m)me vijftich r(ins) gul(den) en(de)/ telcken t(er)mijne als verreycte scult Ende alle dese/ voirs(creven) vorweerde(n) (et)c(etera) cor(am) berge naus(nydere) maii xi
Nagekeken door: Karel Embrechts
Moderator: Karel Embrechts
Laatste update:: 2015-08-13 door Agata Dierick