SAL7385, Akte: R°533.2-V°533.1 (954 van 1086)
Akte R°533.2-V°533.1
Act
Datum: 1492-05-16
Transcriptie
2018-10-23 door kristiaan magnusVander questien gecomen bijden raide vander stadt/
tusschen janne de mortsain ter eende(r) ende hee(re)n janne/
joveneal p(ri)este(r) inden name ende van wegen jans/
del sart ter ande(re) Aldair de voirs(creven) de mortsain te/
kynne(n) gaf hoe dat hij den voirs(creven) janne del sart/
uuytgegeven hadde seke(r) zijn goeden te pachte/
gelegen te grave(n) inden jaire van lxxxviii lestled(en)/
te weten(e) seke(r) lande voir vier mudde corens/
twee halst(er) min ende seke(re)n weyen om xviii/
stuv(er)s tsjaers eene(n) t(er)mijn van negen jae(re)n doen/
t(er)tijt navolgen(de) hem d(aer)af den eedt deylende maken(de)/
voirts eyssch van zijne(n) verloopen(en) pachten ende/
weyhue(re)n dair af hij alnoch meest deel ombetaelt/
was p(rese)nte(re)nde den selve(n) cortsel te doene vanden/
jae(r) dair af men sculdich soude moegen zijn cortsel/
te doene gelijck ande(r) bove(n) ende beneden nae/
advena(n)t vanden selve(n) pachte Sustine(re)nde oick/
dat deselve del sart sculdich soude zijn zijne(n) tijt due(re)nde/
deselve goede te houden nae uuytwijse(n) der nemi(n)g(en)/
ende als dat behoirde de welcke hij lyet liggen/
Dair tegen de voirs(creven) her jan inde(n) name als bove(n) te kynne(n)/
gaf mits eender cedulle(n) bij hem geexhibeert darmoede/
vanden selven wynne en(de) dat hij verdorve(n) hadde geweest
//
ten tijde vander divisien lestleden ende dat hem niet moegelijck/ en was die pechtinge te houden mits der selver zijnder armoede(n)/ Seggen(de) oick dat de voirs(creven) jan de mortsain hem egheen prest/ en hadde willen doen noch behulpich wesen om hem te/ hulpen(e) ten ynde dat hij die goede hadde moegen wynnen/ ende was alzoe bij faulte van dien van dair getogen/ en(de) hadde ande(r) goede aenveert Hoopen(de) alzoe ter (contra)rien dat/ hij der pechtinge(n) ongehouden soude wesen en(de) vand(en)/ acht(er)stelle woude hij hem voldoen behalve(n) behoirlijcke/ cortsel als bove(n) en(de) beneden gedaen soude moege wordden/ oft nae recht bevonden soude moegen wordden behoe(re)nde/ Es get(er)mineert ende uuytgesproken dat de voirs(creven) jan/ del sart de voirs(creven) goede bij hem genome(n) zijne(n) tijdt due(re)nde/ houde(n) sal en(de) sculdich zijn te houden(e) sonder d(aer)af te moege(n)/ sceyden ten ware bij consente van zijne(n) meest(er) ende de/ verschenen pachte(n) en(de) weyhue(re)n alnoch raste(re)nde en(de)/ dair questie af es den selve(n) zijne(n) meest(er) moete(n) vernuege(n)/ en(de) betalen behalve(n) dat hem d(aer)af alsulcken cortsel/ gebue(re)n sal als bove(n) ende beneden gebue(re)n mach nae advena(n)t/ vanden selve(n) goede(n) van ande(re)n p(er)sone(n) en(de) hue(re)n goede(n) oft gelijck/ goede ma(n)nen ter plaetsen aldair hen des verstaen(de) bevi(n)de(n)/ zulle(n) [moegen] behoe(re)nde oft nae recht behoe(re)n sal zoe verre zij in/ dien niet vere(n)nicht en werdden Ende dat de selve zijn/ meest(er) hem sculdich sal zijn seke(r) presten te doene om hem/ te hulpen(e) en(de) de voirs(creven) goede te houden en(de) te wynnen nae/ gelegenth(eit) der saken ter estimacien van goede ma(n)nen als/ voe(r) hen des verstaen(de) oft ingevalle de selve jan de mortsain/ dat niet en conste gedoen dat hij hem dat jairlijcx r(e)compe(n)se(re)n/ ende cortte(n) sal ende selve pechtinge indien alzoe myncken/ ten goede du(n)cken(de) als bove(n) ende als nae reden(en) en(de) gelegenth(eit)/ behoire(n) sal act(um) in (con)s(ili)[o] opidi maii xvi
//
ten tijde vander divisien lestleden ende dat hem niet moegelijck/ en was die pechtinge te houden mits der selver zijnder armoede(n)/ Seggen(de) oick dat de voirs(creven) jan de mortsain hem egheen prest/ en hadde willen doen noch behulpich wesen om hem te/ hulpen(e) ten ynde dat hij die goede hadde moegen wynnen/ ende was alzoe bij faulte van dien van dair getogen/ en(de) hadde ande(r) goede aenveert Hoopen(de) alzoe ter (contra)rien dat/ hij der pechtinge(n) ongehouden soude wesen en(de) vand(en)/ acht(er)stelle woude hij hem voldoen behalve(n) behoirlijcke/ cortsel als bove(n) en(de) beneden gedaen soude moege wordden/ oft nae recht bevonden soude moegen wordden behoe(re)nde/ Es get(er)mineert ende uuytgesproken dat de voirs(creven) jan/ del sart de voirs(creven) goede bij hem genome(n) zijne(n) tijdt due(re)nde/ houde(n) sal en(de) sculdich zijn te houden(e) sonder d(aer)af te moege(n)/ sceyden ten ware bij consente van zijne(n) meest(er) ende de/ verschenen pachte(n) en(de) weyhue(re)n alnoch raste(re)nde en(de)/ dair questie af es den selve(n) zijne(n) meest(er) moete(n) vernuege(n)/ en(de) betalen behalve(n) dat hem d(aer)af alsulcken cortsel/ gebue(re)n sal als bove(n) ende beneden gebue(re)n mach nae advena(n)t/ vanden selve(n) goede(n) van ande(re)n p(er)sone(n) en(de) hue(re)n goede(n) oft gelijck/ goede ma(n)nen ter plaetsen aldair hen des verstaen(de) bevi(n)de(n)/ zulle(n) [moegen] behoe(re)nde oft nae recht behoe(re)n sal zoe verre zij in/ dien niet vere(n)nicht en werdden Ende dat de selve zijn/ meest(er) hem sculdich sal zijn seke(r) presten te doene om hem/ te hulpen(e) en(de) de voirs(creven) goede te houden en(de) te wynnen nae/ gelegenth(eit) der saken ter estimacien van goede ma(n)nen als/ voe(r) hen des verstaen(de) oft ingevalle de selve jan de mortsain/ dat niet en conste gedoen dat hij hem dat jairlijcx r(e)compe(n)se(re)n/ ende cortte(n) sal ende selve pechtinge indien alzoe myncken/ ten goede du(n)cken(de) als bove(n) ende als nae reden(en) en(de) gelegenth(eit)/ behoire(n) sal act(um) in (con)s(ili)[o] opidi maii xvi
Nagekeken door: Karel Embrechts
Moderator: Karel Embrechts
Laatste update:: 2015-08-13 door Agata Dierick