Den dach van rechte op heden dienen(de) voe(r) den raide vand(er) stadt/ tusschen janne pierot poirte(r) van des(er) stadt ter eende(r) ende robb(er)de/ de waste meye(r) van genepien t(er) ande(r) zijde(n) hebben de selve p(ar)tie(n)/ gecontinueert ende uuyt gestelt tot s(in)t jansmisse naistcomen(de)/ Ende de voirs(creven) meye(r) heeft gelooft bynne(n) middelen tijde/ zijn debvoir en(de) execucie te doene ov(er) zeke(r) ingeseten(en) van/ bousevael oft hue(r) goede vand(en) debvo vo(n)nisse dat inde/ banck van genepien tot prouffijte des voirs(creven) jans pierot/ gewesen es geweest over de selve p(er)sone(n) oft ten mi(n)sten/ alsdan selve wed(er)o(m)me alh(ier) te come(n) voir den raide van des(er)/ stadt tegen den selve(n) ja(n)ne pierot hem verantwerden op/ zijn negligen(cie) vand(en) selve(n) execucie(n) ende den tween oft/ drie versuek br(ieven) van des(er) stadt met des d(aer)aen cleeft/ die hij h(ier) op gehadt heeft cor(am) pynnock burg(imagistr)[o] junii p(rim)[a]