Want pet(er) van dormale als procur(eur) hee(re)n jans de mol/ ridders als man en(de) mo(m)boir vrouwe (christ)ine(n) vander/ borch weduwe hee(re)n augustijns wijlen vand(er) borchoven/ hem met br(ieven) van des(er) stadt gescreve(n) aen den meye(r) [va(n)] nederlynthe(r)/ oft zijne(n) stadhoude(r) oft den bring(er) vanden selve(n) alle/ de goede beyde have en(de) erve willems wijlen syllen/ sone wijlen stas sillen en(de) willems wijlen syllen/ zijns neven sone wijlen reyners onden de(n) selve(n) offic(ie)r/ gelegen behoirlijck heeft doen leve(re)n uuyt crachte vand(en)/ beleyde dair mede joh(ann)es van nuwenborch als procur(eur)/ hee(re)n augustijns wijlen vanden borchove(n) ridders uuyt/ cracht va(n) scepen(en) br(ieven) van loeven(en) voir zijn wettich gebreck/ nae des(er) stadt recht totte(n) geleydt was totte(n) goeden/ der voirs(creven) p(er)sone(n) ende der weduwen en(de) erfgename(n)/ der voirs(creven) wijlen willems syllen en(de) willems wijle(n)
//
syllen sijns neven dach van rechte te comp(ar)e(re)n inde banck/ voe(r) meye(r) en(de) scepen(en) van loeven(en) doen bescheiden oft zij he(n)/ d(aer) tegen hadden willen oppone(re)n Aldair zij op heden als/ ten verstreken(en) daige niet gecomp(ar)eert en zijn noch procur(eur)/ van hue(re)nt wegen hen d(aer)tegen oppone(re)nde den voirscr(even)/ geleidd(en) altijt comp(ar)e(re)nde ende trecht voirt versueken(de)/ Soe hebben de scepen(en) van loeven(en) ter manissen smeyers/ nae dat hen behoirlijck gebleken heeft bij r(e)sc(ri)pten jans/ taelmans meye(r) van nederlynthe(r) de voirs(creven) leveri(n)ghe/ en(de) dach bescheidinghe geschiet te zijne gewesen hebben/ voir een vo(n)nisse Wair de wederp(ar)tie des voirs(creven) pet(er)s/ niet en comp(ar)eerde ten opstane des meyers en(de) scepen(en)/ datme(n) den selve(n) pete(re)n inden name als bove(n) houden soude/ inde macht van zijne(n) beleyde en(de) scepen(en) br(ieven) alzoe verre/ alst noch voir scepen(en) come(n) es in scampno junii secu(n)da