Item ywein joes ende katlijn heylen zijn wijf van cortelke/ hebben genome(n) ende bekent dat zij genome(n) hebben van/ arnold(us) kyp als mo(m)bour zijns wijfs de woeni(n)ge metten/ hove boeg(ar)de wynnen(de) lande beemde en(de) eeusselen alzoe/ verre wijlen jan trudens ende nae hem hubrecht helschevier/ die in hueri(n)gen gehouden hebben en(de) niet voirde(r) gelegen te/ dunberge ende dair omtrindt Te houden ende te hebben/ van halfmerte naistcomen(de) eenen t(er)mijn van twelf jae(re)n/ lang deen nae dande(r) volgende behoudelijck oft den selve(n)/ gehuysschen geliefde te scheiden ten yersten negen jae(re)n/ dat zij dat selen moegen doen bij alsoe dat zij dat den/ voirs(creven) arnold(us) een jaire te voe(re)n selen moeten cundigen/ elcx jairs hie(re)nbynne(n) om en(de) voe(r) viertich gulden te/ derthien stuv(er)s en(de) een derdendeel van eene(n) stuv(er) mu(n)te(n) nu/ loopende voe(r) elcken guld(en) gerekent half sinte m(er)tensmisse/ ende half te halfmeerte te betale(n) ende inde(n) wissel van loeven(en)/ te leve(re)n [elck(en) t(er)mijn] als vervolchde schout Hier inne bevorweert om dat/ de lande beemde en(de) eeussele totten selve(n) behoere(n)de qualijck/ ligge(n) dat hij dierste twee jae(re)n gestaen sal betalen(de) elcx jairs/ vive ende twintich der voirs(creven) gulden ende als vanden/ somervruchten die de voirs(creven) arnoldus nu t(er) tijt heeft doen/ besaeyen ende bijden voirs(creven) hubrechte ende den voirscr(even)/ wynne doen besaeyen dair af sal arnoldus die gedorssche(n)/ zijnde hebben deen hellicht vande(n) greyne dwelck de/ wynne te loeven(en) leve(re)n sal ende dander hellicht metten/ geheelen stroe sal volgen den wynne metgaders den/ prouffijte vanden beempden en(de) eeusselen mett(er) hue(re)n/ alzoe die verhuert zijne dit jegewoirdich jair sonder yet/ dair af te geven Item de voirs(creven) arnoldus sal den voirs(creven)/ wynne leenen thien [r(ins)]gulden tstuck te twintich stuv(er)s ende/ tot dien tsaetcoren van rogge dat hij behoeven sal tot/ den aerde te bamisse naistcomen(de) te besaeyen ende oick/ twee mudde rocx in hulpen van zijne(n) broetcoren/ Welcke leeni(n)ge van core(n) en(de) gelde de voirs(creven) wynne/ den voirs(creven) arnold(us) betalen sal telcke(n) t(er)mijne(n) vanden
//
yersten drie jae(re)n tderdel dair af metter betalinge vand(er)/ hueringen Item sal de voirs(creven) wynne de lande zijne(n) t(er)mijn/ due(re)nde wel ende loflijck wynnen mesten en(de) besaeyen/ met getidegen voren ende die laten besaeyt den wynt(er)/ aert met rogge oft tarwen ende den aert vand(en) somercoren/ ende braken omgedaen Item sal de wynne de grechten en(de)/ waterleyen vande(n) goeden vegen ende ruyme(n) de selve zijne(n)/ afscheiden bevreedt laten ende r(e)p(ar)e(re)n de weghe jegen/ de goede liggen(de) als dat geboden wert doen vermaken/ Item sal de voirs(creven) wynne jairlijcx leve(re)n vijftich busselen/ walms ende die doen verdecken tzijne(n) coste ende laste/ opte huyse dairs meest behoeft ende deselve huyse/ houden vander onderster rijckelen nederweerts in goede(n)/ state mair desmen meer behoeven sal van decken plecke(n)/ oft ty(m)me(re)n aen de huysinghe(n) dair af sal de wynne ongelast/ blive(n) ende gestaen met leeme houte dacroeden ende/ theen van dien te leve(re)n ende thout nairde(r) te vue(re)n/ Item sal de wynne opte goede planten de poten die/ aldair vallen sullen ende voir elck verdroechde willegen/ die hij sal moegen afhouwen setten twee poeten vanden/ selve(n) aerde Item sal de wynne opte heggen ende hagen/ vande(n) voirs(creven) goeden zijn berringe moegen maken ende/ hebben ter mynster scaden ende te behoirlijcke(n) tijde sond(er)/ inde bosschen des voirs(creven) arnoldi d(aer) omtrindt gelegen/ gericht te zijne Ende alle dese vorweerde(n) geluften/ en(de) condicien voirs(creven) hebben geloeft elck den ande(re)n te/ voldoen (et)c(etera) Hier af zijn borgen des voirs(creven) wynnen/ arndt heylen woenen(de) ts(in)[te] pet(er)srode sweder des vors(creven)/ wynne(n) et duo p(ri)mi cor(am) berghe tymple junii iiii[ta]