Allen den ghenen doen cond dat laureys arndts woenen(de)/ te thielt in p(rese)ncia heeft geconstitueert gesedt volcome(n)
//
macht procuracie ende auctoriteyt gegeven goirde arnts/ zijnen brueder janne weer oick brued(er) desselfs laureys/ van zijnder moeder wegen adriane weer sone des voirscr(even)/ jans willmu(m) cloest(er)mans pete(re)n vernoyen woenen(de)/ te thienen meeste(re)n woute(re)n prockeels arnde van vroenhove(n)/ ende willem(me) van leefdale aut Alle zijn questien ende/ geschillen die hij alsnu uuytstaen(de) heeft oft naemaels hebbe(n)/ sal moegen voe(r) alle gerichten gheestelijck ende weerlijck/ tegen wien dat zij alle zijn jairgulden sculden chijsen/ rinten pachten opcomi(n)gen ende vervallen goede beruerlijck/ ende omberuerlijck hoedanich die zijn waer die belegen/ zijn oft bevonde(n) moegen wordden Te verwaren te/ mane(n) teyssche(n) op te bue(re)n ende tontfangen dair voe(r) te/ panden te daigen te beleydde(n) rasteme(n)te te doen legge(n)/ die met rechte texeque(re)n ende te vervolgen te bedinge(n)/ te wynnen te verliesen alle gescriften en(de) libellen over te/ geve(n) en(de) te neme(n) te replice(re)n te duplice(re)n (et)c(etera) alzoe wel/ int principael als int accessoir alsoe dicwile en(de) menich/ werve(n) als dat behoire(n) sal getuygen te sien sweren die te/ battere(n) hue(r) deposicie te wederleggen alzoe menichwerve(n)/ als dat gebue(re)n sal moegen Ende ofts noot gebuerde/ de voirs(creven) sak(en) te conteste(re)n te decline(re)n texcipie(re)n te/ reco(n)venie(re)n te bescudden composicie ende mynlijck/ yeffeni(n)ge van al des voirs(creven) es te maken den sculders/ te quite(re)n ende volcome(n) quitan(cie) te geven ende voirtane/ generalijck ende spe(ci)alijck dair inne te doene en(de) te/ vorde(re)n alle tghene dat de voirs(creven) laureys selve doen en(de)/ vorde(re)n alle soude moege(n) wairt dat hij telcker tijdt en(de)/ plaetsen tegewoirdich ende voir oegen ware Ende/ soe wes bij eene(n) der voirs(creven) procurue(re)n e(n)nichssins gedaen/ geprocur(er)t ende gevordert sal wordden dat dande(r) van/ hen dat sal moege(n) middele(n) vollinden laten compone(re)n/ sonder yemandt wederseggen Geloven(de) voir ons in/ goede(n) trouwe(n) de voirs(creven) laureys op de verbintenisse/ van allen zijne(n) goede(n) beruerlijck en(de) omberuerlijc goet vast (et)c(etera)/ in mel(iori) forma salvo iusto calculo cor(am) h(er)meys tymple junii xv