It(em) herjacop vanden breyne prieste(r) renu(n)tians in p(rese)ntia/ heeft genomen ende bekint genomen te hebben tegen henricke/ van ravescote alsulke wi(n)nen(de) lande houdende tsamen x(½) boende(re)n/ oft dair omtrint alsoe die in div(er)sen stucken ende plaetsse(n)/ gelegen sijn te wynghe alse den selven he(re)n jacoppe/ toebehoiren(de) zijn ende den voirs(creven) henricke voir sijn rinten/ die hij dairop heeft metten leensschen rechte in handen/ gestelt zij(n) Te houden ende te hebben van sint jansmesse/ naistcomen(de) eenen t(er)mijn van xii jae(re)n lanc due(re)nde/ deen nae dander zonder middel vervolgen(de) elcx jairs/ dae(re)nbynnen om ende voe(r) de hellicht van allen den vruchte(n)/ jairlijcx opde selve lande wassende met conditien dat zij/ van malcande(re)n sullen moegen scheyden ten halve(n) t(er)mijne/ behalven dat de ghene die alsoe sal willen scheyden/ dat den ande(re)n een half jair te voe(re)n cundigen sal Ende/ alsoe verre de voirs(creven) henrick van zijne(n) acht(er)stelle met/ coste ende co(m)me(r) nae goede rekeni(n)ge ten ynde vande(n)/ zesse jae(re)n op datt(er) yema(n)t van hen alsdan scheyde(n) wilt/ gelijck voe(r) oft anders ten ynde vanden xii jae(re)n niet volbetaelt/ en wae(r) soe soude herjacop de selve goede beyde van/ wynt(er)arde ende zom(er)arde moeten besaeyt laten met/ wynt(er)coren(en) en(de) zom(er)coren(en) om deswille dat hij de geheele/ vruchte(n) van dese(n) oeghste naistcomen(de) alleene(n) trecke(n) ende/ behoude(n) zal Behalve(n) iiii(½) dachmale(n) gelege(n) in eenen/ stucke(n) opt percvelt ende een half dachmael opt selve/ velt die herjacop bloot bevonde(n) heeft en(de) also late(n) zal/ ende des en sal henr(ic) gheene(n) cost oft last derve(n) doen/ van desen selven yersten jae(r) want hij d(aer)aff niet hebbe(n)/ en sal gelijc voe(r) Item ende inde stat vanden stroe/ dat jorijs vand(er) varent al(ia)s cole inde vorweerde van/ zijnd(er) helllicht wi(n)ni(n)gen sculdich was te halen te thiene(n)/ oft te cu(m)ptich oft dair omtrint en(de) herjacop te betale(n)/ sulle(n) de voirs(creven) herjacop ende henrick coepe(n) jairlijcx/ soe vele mests als behoeven sal d(aer)aff herjacop tderde(n)deel
//
ende henr(ic) de twee deele(n) betale(n) sulle(n) behalve(n) dat de voirs(creven)/ herjacop dat tzijne(n) laste(n) alleene sal doen halen en(de) vue(re)n/ opde voirs(creven) lande(n) dair des behoeft Met conditien ende/ vorweerden dat de voirs(creven) herjacop de voirs(creven) landen jairlijcx/ den t(er)mijn due(re)nde wel en(de) loffelijck wi(n)nen werve(n) en(de)/ mesten zal gelijc r(e)genoeten boven ende beneden/ ende men sculdich es van doene Ende voirts op alle/ de ande(r) vorweerden ende conditien alse de selve/ herjacop dese goede jorijse vand(er) varent al(ia)s cole/ voirs(creven) voir scepen(en) van wynghe t(er) hellicht uutgegeven/ hadde Ende alle dese vorweerden (et)c(etera) cor(am)/ hermeys hove junii vii