SAL7385, Akte: R°576.2 (1035 van 1086)
Akte R°576.2
Act
Datum: 1492-06-09
Transcriptie
2018-10-28 door kristiaan magnusIt(em) gielis van duffle sone wijlen jans dien hij hadde/
van jouffr(ouwe) sainten van graven zijnd(er) werdynne(n) en(de)/
goirdt hermeys sone wijlen goirdts in p(rese)ntia hebben/
gekindt ende gelijdt [voir hen en(de) hue(re)n nac(omelingen)]
dat jouffr(ouwe) m(ar)griete voelke(n)s/
weduwe raes wijlen van baussele heurs leste mans/
int jair van lxxvi septembris vi volcomelijck en(de)/
geheelijck afgequijt heeft alsulken twee rinsgulden(en)/
ende xv stuv(er)s oft drie rinsgulden(en) myn een oert van/
eenen rinsgulden(en) erffelijck alse jan wijle(n) va(n) duffle/
brueder des voirs(creven) gielis en(de) zwag(er) des voirs(creven) goirdts/
hadde ende houdende was ende behielt met scepen(en)/
brieve(n) van loeven(en) vand(er) daet aprilis t(er)cie a(nn)[o] lxix/
aen ende op twee huyse met eene(n) huyse d(aer)achter/
staende gelege(n) inde ledichstrate tussche(n) de goede wijle(n)/
meest(er)s felix wijlen de hont en(de) peters wijle(n) beyartds/
scrij(n)makers De selve jouffr(ouwe) margriete voelkens/
hue(r) erfgenamen ende goede voirs(creven) vande(n) selven/
erfrinten ende van allen acht(er)stellen van dien/
volcomelijck quijtgeschelden(de) ende op de selve tot behoeff/
der selv(er) jouffr(ouwe) m(ar)grieten ende hue(re)r erven en(de) erfgenamen/
behoirlijck renu(n)tie(re)nde ende verthijende promitten(tes) nullaten(us)/
alloqui sed war(an)s cor(am) d(i)c(t)o godefrido hermeys et naus(nydere) junii ix
Nagekeken door: Karel Embrechts
Moderator: Karel Embrechts
Laatste update:: 2015-08-14 door Agata Dierick