Item arnt van vroenhove(n) als geleydt nad(er) stadt/ recht van loven(en) voir sijn wettich gebreck uut crachte/ van scepen(en) brieve(n) van loven(en) tot allen den goed(en) have/ en(de) erve goirdts de kersmake(re) met vonnesse d(er) scepen(en)/ van loven(en) d(aer)toe gewijst sijnde ende gheert doeghe(n)s/ geheeten de gruyte(re) in p(rese)ntia hebben gekindt ende/ gelijdt gehave(n) en(de) ontfange(n) hebben(de) van matheeuse/ en(de) vrancke(n) van hove gebruede(re)n die den voirs(creven) goirde/ de kersmake(re) jairlijcx sculdich sijn met scepen(en) brieve(n)/ van loven(en) acht rijders te xxv stuv(er)s tstuck lijfpen(sien)/ ten live desselfs goirdts de so(m)me van acht gelijcke/ rijd(er)s te xxv stuv(er)s tstuck en(de) dit vand(en) t(er)mijne gevalle(n)/ vand(en) voirs(creven) acht rijd(er)s lijfpen(sien) opte(n) xxi[te(n)] d(er) maent/ van merte lestlede(n) Scelden(de) d(aer)af volcomelijck quijte/ de voirs(creven) gebruede(re)n van hove den voirs(creven) goirde de/ kersmakere en(de) alle ande(r) des quitan(cie) behoeven(de) geloven(de)/ de voirs(creven) arnt van vroenhove(n) en(de) gheert doeghe(n)s/ onbesu(n)d(er)t en(de) elck voir al den voirs(creven) gebruede(re)n van/ hove d(aer)aff nu(m)mermeer aen te spreken te moeyen noch te/ vexe(re)n in gheene(n) rechte gheestelijck noch weerlijck/ mair van deser kennessen en(de) quitan(cie) tegen eene(n)yegelijcke(n)/ te rechte innestaen(de) en(de) gerecht warant te sijne en(de)/ dat deselve gebruede(re)n van hove met des(er) betalingen/ hen gelijck voe(r) gedaen gestaen sullen aend(en) voirs(creven)/ de kersmake(re) prout Van welker kennessen ende/ quitan(cien) bijd(en) voirs(creven) arnde van vroenhove(n) gelijck voe(r)/ gedaen de voirs(creven) g(er)t de gruyte(re) hem geloeft heeft en(de) mits desen geloeft costeloes te houden en(de) scadeloes/ tontheffen cor(am) berghe tymple junii xviii