Item raes van grave(n) en(de) peet(er) van ijssche als/ mo(m)boirs vande(n) groote(n) heylige(n)gheest te loven(en)/ en(de) met hen aelbrecht tants clerck va(n)d(en) selve(n)
//
heyligengheest inden name en(de) van wegen/ desselfs heylichsgheests ten bijsijne en(de) met/ wille weten(e) en(de) consente van beyde den [vacat]/[vacat] borg(er)meeste(re)n/ vand(er) selv(er) stadt t(er) eenre ende huyghe lorfebvre/ t(er) ande(re) sijn come(n) voir scepen(en) van loven(en) hier/ nae bescreve(n) kennen(de) en(de) lijden(de) dat sij bij tussche(n)/ spreken(en) van goeden ma(n)nen en(de) vriende(n) met/ malcande(re)n v(er)accordeert en(de) ov(er)comen sijn aengaen(de)/ den negen mudden t(er)wen erfpachts die den/ selve(n) heylige(n)gheest heffen(de) es op de goede van/ molle(n)baix s(in)t pie(re) ond(er) den hee(r) van hemptines/ ende twee sacke(n) t(er)wen die de voirs(creven) huyghe/ op deselve goede oft enige van dien oick erffelijck/ heffen(de) es d(aer)aff deselve p(ar)tien und(er)linge questie/ hadden wie oud(er) was dairaff genoech bevond(en)/ es den heylige(n)gheest doutste rinte te hebbe(n)/ der pointe(n) vorweerd(en) en(de) (con)ditien naebescreve(n)/ die zij malcande(re)n voir hen hue(re)n erve(n) en(de)/ nacomelinge(n) geloeft hebben tond(er)houden(e)/ en(de) te voldoen(e) Inden yerste(n) dat de voirs(creven)/ huyghe noch sijn nacomeling(en) erffelijck ten/ daghe en(de) t(er)mijne als zijn twee sacke(n) t(er)wen/ voirs(creven) v(er)schijne(n)de sijn jairlijcx niet meer/ heffen en sal noch en sullen dan een mudde/ t(er)wen loeve(n)s op alle alsulke goede en(de) ond(er)pande/ als de brieve vand(en) voirs(creven) twee sacken dat/ uutwijse(n) en(de) begrijpen Ende dat tsurplus/ vande(n) selve(n) sijne(n) erfpacht van twee sacken/ mette(n) acht(er)stelle van dien totte(n) dage toe van/ heden v(er)schene(n) en(de) ombetaelt uutstaen(de) met/ gaders oick den pachte vand(en) selve(n) mudde/ t(er)wen nae advenant vand(en) tijde van sinte/ andriesmesse lestlede(n) tot desen daige toe/ v(er)smelten sal en(de) quijt wesen en(de) dadvenant/ van dien van nu tot sinte andriesmesse/ naistcomen(de) en(de) van dan voirtaene erffelijck/ geheel sal den selve(n) huyghen oft sijne(n) nacomeling(en)
//
volgen dat voirt den voirs(creven) heylige(n)gheest/ totten ontfange come(n) sal van alsulke(n) drie boende(re)n/ lants als den selve(n) heylige(n)gheest vand(en) voirs(creven)/ huyghen als leenhee(r) houden(de) es sond(er) uut saken/ van dien enich hergewede te desen male te betale(n)/ behalve(n) den ma(n)nen hue(re)n wijn In desen oick/ ger(e)serveert den selve(n) huygen en(de) sijne(n) nacomeli(n)g(en)/ sijn en(de) hue(r) recht en(de) heerlich(eit) der selv(er) drie boende(re)n/ soe wa(n)neer die meer openstaende soude(n) moege(n)/ sijn Behalve(n) dat in recompensien van desen de/ selve huyghe en(de) sijn nacomeling(en) vand(en) voirs(creven)/ mudde t(er)wen love(n)s erffelijck p(ro)cede(re)n sulle(n) in/ date ouderdo(m)me en(de) betaling(en) de voirs(creven) rinte/ des voirs(creven) heylige(n)geests opde pande alleene/ die voe(r) desselfs huyghens twee sacke(n) t(er)wens/ v(er)oblig(er)t zijn nae uutwijsen sijnd(er) brieve(n) Niet/ tegenstaen(de) dat sheylige(n)geest rinte voirs(creven) nae/ uutwijsen sijnd(er) brieve(n) oude(r) sijn geweest dan/ desselfs huyghens twee sacken t(er)wen ende/ de voirs(creven) mo(m)boirs met consente als voe(r) hebbe(n)/ geloeft soe wa(n)neer zij vast inde ond(er)pande/ des voirs(creven) huyghens sullen sijn om die te moege(n)/ v(er)setten aliene(re)n oft v(er)coepen dat sij dan den/ selve(n) huyghen van desen mudde t(er)wen voirs(creven)/ op sijn ond(er)pande goede guedinge en(de) vestich(eit)/ doen sulle(n) Ende dan sal huyghe oick tra(n)sporte(re)n/ dactie van zijne(n) twee sacke(n) t(er)wen voirs(creven) opde/ ond(er)pande van dien en(de) hen sijn brieve van dien/ oick ov(er)geve(n) ende om tott(er) jairlijcxscher betalinge(n)/ van desen mudde t(er)wen te come(n) en sulle(n) den heyl(igen)geest/ voirs(creven) oft de mo(m)boirs van dien al sijn sij oudde(r) den/ voirs(creven) huyghen oft sijne(n) nacomelinge(n) in toecomen(de)/ tijd(en) met hue(re)r oudde(r) rinte oft rechte dat hen/ in die oft oick inde goede en(de) ond(er)pande van/ dien (com)peteert oft (com)pete(re)n sal moege(n) gheen hynd(er) oft/ stoot moege(n) doe(n) in egheend(er) manie(re)n et t(antu)m hinc inde/ cor(am) abs(oloens) h(er)meys junii xxii