It(em) gielis van cav(er)chon in p(rese)ntia heeft gekindt/ ende gelijdt gehaven te hebben ende ontfangen/ vanden edelen ende moegen(de) hertoge willem(me)/ hertoge te gulke ende totte(n)berghe greve te/ ravensberghe hee(r) te heynsberghe te dyest te/ zichen(en) (et)c(etera) ende dit uut handen van mathijs vand(en)/ rode rintmeest(er)s desselfs he(re)n in zijnen voirs(creven) lande/ van dyest de so(m)me van thien rinsgulden(en) uut/ saken vanden twintich rinsgulden(en) die de voirs(creven)/ gielis jairlijcx ende erffelijck heeft ende houden(de) es/ op de goede chijsen rinten ende pachten des voirs(creven)/ hertogen vercregen tegen he(re)n jacoppe wijlen/ greve van salmen gescreven in zeke(r) scepen(en) brieve(n)/ van loeven(en) ende ande(r) d(aer)op gemaict vallen(de) jairlijcx/ te twee t(er)mijnen Te wetene deen hellicht te
//
paesschen ende dander hellicht te bamesse/ ende dit vanden termijne van paessche(n) lestled(en)/ Bekynnen(de) hem de voirs(creven) gielis vand(en) voirs(creven)/ t(er)mijne van paesschen lestleden ende van allen/ ande(re)n voirleden(en) t(er)mijnen van voe(r) den voirs(creven)/ paesschen lestleden verschenen volcomelijck/ genoech voldaen te zijne Scelden(de) d(aer)aff quijte/ den voirs(creven) hertoghe zijnen rintmeest(er) voirs(creven)/ ende hue(r) goede ende alle ande(r) des quitan(cie)/ behoeven(de) cor(am) hermeys nausnyde(re) septembr(is)/ xxiii