Want joh(ann)es van nuwe(n)borch die als procur(eur) en(de) rintmeest(er)/ he(re)n machiels absoloens ridders nae des(er) stadt recht voir/ sijn wettich gebreck uut crachte van scepen(en) brieven/ van loeven(en) comen ende geleydt es tot alle(n) den goeden/ beyde have ende erve gielis robijns sone wile(n) henricx/ soe wair die gelege(n) sijn hem met brieve(n) van des(er) stadt/ gescreve(n) aend(en) meye(r) van cumptich oft zijne(n) stadhoude(r)/ alle de selve goede behoirlijck heeft doen leve(re)n ende
//
gielise robijns neve ende wynne des voirs(creven) gielis/ robijns dach van rechte alhier te compare(re)n inde banck/ voir meye(r) ende scepen(en) van loven(en) oft hij hem d(aer)tegen/ hadde wille(n) oppone(re)n doen bescheyden Aldair hij/ op hede(n) als ten geco(n)tinueerde(n) daghe van rechte niet/ gecompareert en es noch nyema(n)t van zijne(n) wege(n)/ den voirs(creven) geleydde(n) ind(en) name als voe(r) compare(re)nde/ ende trecht voirt versueken(de) soe hebbe(n) de scepen(en)/ van loeven(en) t(er) manissen smeyers nae dat hij behoirl(ijck)/ heeft gebleke(n) bij rapporte wout(er)s van boene(n)rode des(er)/ stadt geswoirne bode tvoirs(creven) exploit behoirlijck/ geschiet te zijne vo(n)neslijck gewijst hebben datme(n)/ den selve(n) geleydde(n) vand(en) voirs(creven) goeden houde(n) soude/ inde macht van zijne(n) beleyde scepen(en) brieven ende/ leveri(n)gen alsoe verre alst noch voir scepen(en) comen/ es in scampno januarii xiiii