Vanden drie behoirlike(n) rastamenten die arnt van/ vlasselair vervolght heeft op zeke(r) haeffelike goede/ toebehoiren(de) janne van yse(re) binne(n) desselfs arnts/ platen wesende soe hij die bij vonnesse van scepen(en)/ met janne beeram vorste(r) gecleert heeft ende/ dae(re)ntind(en) bij vo(n)nesse der selv(er) scepen(en) al t(er) maniss(en)/ smeyers sijn schult bij eede gecleert heeft gedragen(de)/ t(er) so(m)men van negen rinsgulden(en) zonder de coste(n) ind(er)/ saken geloepen Ende de scepen(en) voirt gemaent/ hoe hij tot zijnd(er) geverificeerd(er) schult gerake(n) sal/ hebben gewijst met vo(n)nesse dat de selve arnt/ de selve gerasteerde goede vercoepe(n) en(de) ten hoeghste(n) bringe(n)/ sal en(de) sijn schult d(aer)aen neme(n) en(de) trecken bij alsoe oft d(aer)/ yet overt dat hij dat wed(er)kee(re)n sal en(de) oft d(aer) gebrect/ dat hij voirt sal moege(n) vae(re)n met rechte in sca(m)pno/ cor(am) om(n)ibus dempt(is) h(er)meys vynck januarii xxi