Want arnt van hove nu ter tijt scepen(e) te loven(en)/ die nae des(er) stadt recht voir sijn wettich gebreck/ uut crachte van scepen(en) brieve(n) van loeven(en) come(n) en(de)/ geleydt es tot allen den goeden beyde have ende/ erve symoens m(ar)schalck soe wair die gelegen zijn/ hem met brieven van des(er) stadt gescreve(n) ge aende(n)/ meye(r) van libbeke oft zijne(n) stadhoude(r) te love(n)joul/ alle de selve goede behoirlijck heeft doen leve(re)n en(de)/ den voirs(creven) symoen(e) m(ar)schalck ende hadewig(e) vand(en)/ poele dach van rechte alhier te compare(re)n inde/ banck voir meye(r) en(de) scepen(en) van loeven(en) oft zij/ hen dairtegen hadden willen oppone(re)n doen bescheyde(n)
//
Aldair zij op heden niet gecompareert en zijn/ noch nyema(n)t van hue(re)n wegen den voirs(creven) geleydden/ compare(re)nde ende trecht voirt versueken(de) soe verre/ dat de scepen(en) van loeven(en) t(er) manissen smeyers nae dat/ hen behoirlijck heeft gebleken bij rapporte thiebouts steenweegs/ des(er) stadt bode de voirs(creven) leveri(n)ge ende dachbesceydinge/ behoirlijck gesciet te zijne vo(n)neslijck gewijst hebben/[wair de wed(er)partie vand(en) geleidd(en) niet en comp(ar)eert voe(r) den opstaen(en) smeyers en(de) der scepen(en)] datme(n) den selve(n) geleydde(n) vand(en) voirs(creven) goede(n) houde(n) soude/ inde macht van sijnen beleyde scepen(en) brieve(n) en(de) leveri(n)gen/ alsoe verre alst noch voir scepen(en) come(n) es in scampno/ januarii xxiiii