Aengaen(de) der questien gecome(n) voe(r) den raide vander stadt tusschen/ pete(re)n blanckart ter eende(r) ende ja(n)ne van are(n)berghe becke(r) ter/ ande(r) zijde(n) als van seke(re)n refectie(n) die de selve jan van are(n)berghe/ niet gedaen en hadde int woenhuys dwelck de voirs(creven) pet(er) in hueri(n)g(en)/ besete(n) hadde den t(er)mijn van onderhalve(n) jaire bege(re)nde alzoe de selve/ rep(ar)atie opgeleecht te hebbe(n) Te weten(e) van twee came(re)n mette(n)/ solde(re)n die ongerepareert wae(re)n bleve(n) den selve(n) t(er)mijn due(re)nde en(de)/ seke(re)n ande(re)n r(e)p(ar)atie(n) bijde(n) selve(n) pete(re)n aen de selve huyse geleet/ van seke(re)n refectie(n) van doiren en(de) vienste(re)n gedragen(de) he(m) de/ selve tott(er) estimatie(n) van sijnder schade(n) in dien d(aer) hij groot acht(er)deel/ bij gelede(n) hadde ter visitacie(n) der stat meest(er)s dair af gebuert/ hopen(de) dat hem tselve cortte(n) soude nae gelande des tijts dat hij/ int selve huys gewoent mocht hebbe(n) aen de verstreke(n) hue(r)/ dair inne hij met seke(re)n uuytsprake(n) qui(n)ta octobr(is) lestlede(n)/ gebuert gelast es de(n) selve(n) janne te betalen(e) staen(de) geregistreert/ in 3[a] came(r)a Dair tege(n) de voirs(creven) jan sustineerde dair inne niet/ gehoude(n) te zijne te voirde(r) want de voirs(creven) t(er)minacie niet en/ begreep dat de(n) voirs(creven) pete(re)n e(n)nich cortsel gebue(re)n soude dair hijs/ hem toe gedroech hopen(de) alsoe dat hij zijn pe(n)ni(n)ge(n) geheel trecke(n)/ soude ten t(er)mijnen d(aer) inne begrepe(n) Es get(er)mineert nae dien/ bijde(n) wethouders de visitacie vanden stadt meest(er)s in desen/ gebuert bij voergaen(de) appointeme(n)te(n) van des(er) stadt oversien
//
es geweest bevi(n)den(de) oick dat de selve pet(er) gheen cortsel dair af gehadt/ en hadde noch bijd(en) voirs(creven) uuytsprak(en) op de visitacie vanden meest(er)s/ en(de) schaden in dien bij hem gelede(n) gelet en was nae doverbringe(n)/ der selver meest(er)s Dat de selve jan ten yerste(n) t(er)mijne inde voirs(creven)/ t(er)minacie begrepe(n) hem cortten zall aen de pe(n)ni(n)ge(n) vander/ hue(re)n van twee came(re)n en(de) solders nae advena(n)t vanden tijde/ dat hij dair inne gewoent heeft te weten(e) van onderhalve(n)/ jae(r) van elcker came(re)n tsjaers een croone maken(de) tsame(n) drie/ croone(n) de croone te xxiiii stuv(er)s en(de) oick sesse stuv(er)s van ande(re)n/ refectien van e(n)nigen dueren en(de) vinste(re)n metgaders den costen/ vanden selven stadt meest(er)s die de selve visitacie(n) gedaen/ hadden loopen(de) sesse stuv(er)s gelijck de waerheyt en(de) cleerniss(en)/ der selver stadt meest(er)s in desen bij eede gedaen des voirs(creven) steet/ genoech uuytgewesen heeft In (con)s(ili)[o] opidi febr(uarii) tercia