Item de voirs(creven) wout(er) jan mijssone heeft geloeft/ den voirs(creven) will(em)me cloest(er)mans te lossen en(de) af te/ quijte(n) met volle(n) pachte(n) tusschen dit en(de) ons(er) vrouwe(n)/ liechtmesse naistcomen(de) alsulken vier en(de) een halff/ mudden corens erffelijck alse deselve willem met/ scepen(en) brieve(n) van beke jairlijcx heffende es aen/ en(de) op zeke(r) erfgoed(en) den voirs(creven) woute(re)n toebehoiren(de)/ gelege(n) te beke voirs(creven) te weten(e) elck mudde dairaff/ met der so(m)men van zessendertich pet(er)s te xviii stuv(er)s/ tstuck alsulker weerden en(de) prijse als die ten/ selve(n) liechtmesse naistcomen(de) van hant t(er) hant cours/ ende loep hebben sulle(n) ende met vollen pachte(n)/ gelijck voe(r) tamq(uam) ass(ecutu)[m] Met conditien nochtan/ oft gebuerde dat de pe(n)ning(en) ten voirs(creven) liechtmesse/ naistcomen(de) zwairde(re)n cours hadde(n) en(de) bynne(n)/ middelen tijde afgesedt wordden dat dien niet/ tegenstaen(de) de voirs(creven) wout(er) alsdan nochta(n) gestae(n) sal
//
die betalen(de) ind(en) werd(en) ende ten prijse als die/ opden dach [van hede(n)] cours hebben en(de) gancbair sijn van/ hant t(er) hant te weten(e) den andriesguld(en) te xxiiii/ stuv(er)s den goud(en) guld(en) mett(er) werelt xxiii st(uvers) en(de)/ alle ande(r) gelt nae advenant Ende t(er) and(er) zijd(en)/ es vorweerde en(de) conditie oft den andriesguld(en)/ ten voirs(creven) liechtmesse naistcomen(de) hoeg(er) ghinck/ van hant t(er) hant dan xxxiii stuv(er)s en(de) ande(r) ghelt/ nae advenant dat de voirs(creven) wout(er) nochtan/ den selve(n) andriesguld(en) den voirs(creven) willem(me) niet/ hoeg(er) geve(n) noch reken(en) en sal moegen dan te/ xxxiii stuv(er)s oft and(er) gelt nae advenant van/ dien cor(am) eisdem