Want lambert duffay als geleydt nae des(er) stadt/ recht voir sijn wettich gebreck uut crachte van/ scepen(en) brieve(n) van loven(en) tot allen den goede(n) beyde/ have ende erve liebrechts bouwens van montenake(n)/ soe wair die gelegen sijn hem met brieve(n) van/ des(er) stadt gescreve(n) aenden meye(r) van ezemale/ oft zijne(n) stadhoudere alle deselve goede behoirlijck/ heeft doen leve(re)n en(de) bezund(er)t eene zeke(re) cudde/ scapen den selve(n) liebrechte toebehoiren(de) ende/ liebrechte bouwens voirs(creven) en(de) pauwelse anthonijs/ dach van rechte te compare(re)n inde banck voir/ meye(r) en(de) scepen(en) van loven(en) doen besceyden oft/ zij hen dair tege(n) hadd(en) willen oppone(re)n Aldair/ zij op heden als ten verstreken(en) dage niet gecom/ pareert en zijn noch oick procur(eur) van hue(re)n/ wege(n) den voirs(creven) geleydden altijt compare(re)nde/ en(de) trecht voirt versueken(de) soe v(er)re dat de/ scepen(en) van loven(en) t(er) manissen smeyers nae dat/ hen bij rappoirte en(de) cleernissen cornel(is) reyns des(er)/ stadt bode behoirlijck gebleken heeft de voirs(creven)/ leveringe en(de) dach besceydinge gesciet te sijne/ gewesen hebben voir een vonnesse Wair de/ wed(er)p(ar)tie des voirs(creven) geleydd(en) niet en compareert/ ten opstaen(e) smeyers en(de) d(er) scep(enen) datme(n) de(n) selve(n) geleydd(en)/ houd(en) soude inde macht van sijne(n) beleyde scep(enen) br(ieven) en(de)/ leveri(n)g(en) alsoe v(er)re alst noch voir scep(enen) come(n) es in sca(m)pno/ febr(uarii) xxiii