Want jouffr(ouw) m(ar)griete wittema(n)s weduwe joes wijle(n)/ absoloens die uut crachte van scepen(en) brieve(n) van loven(en)/ ov(er)lang gepasseert houdende ende besittende es een erfrinte/ van xxv rinsgulden(en) d(er) mu(n)ten der vier coirvorste(n) goet ende/ ginghe half opte(n) vijfste(n) dach van decembri ende half/ opten v[ten] dach van junio te betalen(e) ende opde(n) wissel/ van loeven(en) te leve(re)n aen ende op een hoff metten/ woeni(n)gen huyse(n) hove(n) wi(n)nen(de) lande(n) boeg(ar)den ende allen/ den toebehoirten geheete(n) van meldert alsoe dat gelege(n) es/ te budi(n)gen houden(de) negen boende(re)n oft dair omtr(ent)/ It(em) aen ende op iiii(½) boende(re)n beempts luttel myn oft/ meer gelegen in drie stucken d(aer)bij tussche(n) de goede jonch(e)rs/ liebr(echts) van meldert t(er) eenre en(de) de goede der scolie(re)n van/ leeuwe t(er) ande(r) zijden dair de rivie(r) geheete(n) de ghete/ in midden doir loept huer met brieve(n) van des(er)/ stadt gescreve(n) aende meyers van buedi(n)gen oft hue(re)n/ stedehoude(re)n alle de selve goede en(de) ond(er)pande behoirl(ijck)/ heeft doen leve(re)n ende janne van lathem die de
//
selve houdende ende hantplichtende was dach va(n) rechte/ alhier te compare(re)n inde banck voir meye(r) ende scepen(en)/ van loven(en) [doen] besceyden es geweest oft hij dairtege(n) yet/ allege(re)n oft hem oppone(re)n woude Aldair de voirs(creven) jan/ van lathem niet gecompareert en es arnde van/ vroenhove(n) als procur(eur) der voirs(creven) wed(uwe) joes wile(n) abs(oloens)/ inde(n) name en(de) van wege(n) der zelv(er) compare(re)nde en(de)/ trecht voirt v(er)sueken(de) soe v(er)re dat de scepen(en) van/ loven(en) t(er) manissen smeyers nae dat hen behoir(lijc) heeft/ gebleken bij rapporte wout(er)s van boene(n)rode des(er) stadt/ geswoirne bode de voirs(creven) leveri(n)ge ende dach besceydi(n)ge/ behoirl(ijc) geschiet te zijne vonneslijck gewijst hebbe(n)/[wair de wed(er)p(ar)tie d(er) voirs(creven) wed(uwe) niet en comp(ar)eerde voe(r) den opstaen(e) smeyers en(de) d(er) scep(enen)] datmen den voirs(creven) arnde van vroenhove(n) inden name/ als voe(r) ve houde(n) soude inde macht van zijne(n) scep(enen)/ brieve(n) ende leveri(n)gen alsoe v(er)re alst noch voir scep(enen)/ come(n) es in scampno julii xvi