Want henrick vand(er) heyden geheete(n) yngerams/ als geleydt nae des(er) stadt recht voir sijn/ wettich gebreck uut crachte van scepen(en) brieve(n)/ van loven(en) tot allen den goeden beyde have/ ende erve jouffr(ouwe) magdalene(n) van meenssele/ weduwe henricx wijle(n) vand(en) ynde ende/ henricx huers soens wair die gelegen sijn/ ind(er) stadt van loven(en) oft bynne(n) d(er) vriheyt d(er) selv(er)
//
hem met willem(me) claes vorste(r) van des(er) stadt/ alle deselve goede behoirlijck heeft doen leve(re)n/ ende d(er) voirs(creven) jouffr(ouwe) magdalene(n) ende huyge(n)/ van udekem hue(re)n tegewoirdig(en) man dach/ van rechte te compare(re)n inde banck voir meye(r)/ ende scepen(en) van loven(en) doen besceyden oft zij/ hen tegen deselve leveringe hadde(n) wille(n) oppone(re)n/ Aldair zij op heden als ten verstreken(en) daige/ nyet gecompareert en zijn noch oick procur(eur) van/ hue(re)n wegen arnoldus van vroenhove(n) als/ p(ro)cur(eur) des voirs(creven) geleydden altijt gecompareert/ heeft ende trecht voirt versocht Soe verre/ dat de scepen(en) van loven(en) ter manissen smeyers/ nae dat hen bij cleernissen des voirs(creven) vorsters/ behoirlijck gebleken heeft de voirs(creven) leveringe en(de)/ dach besceydinge gesciet te sijne gewesen hebben voir/ een vonnesse Wair de wed(er)p(ar)tie des voirs(creven) geleydden/ niet en compareert ten opstaen(e) smeyers ende der/ scepen(en) datmen den selve(n) geleydden houd(en) soude/ inde macht van sijne(n) beleyde scepen(en) brieve(n) ende/ leveringen alsoe v(er)re alst noch voir scepen(en) come(n) es/ in scampno martii tercia