Item jan van udekem voirspreke sone jans heeft/ den greve(n) vrede genome(n) van alsulke(n) quetsue(re)n/ oft ande(re)n ongevalle als de voirs(creven) jan sijn vad(er)/ ond(er) den land(en) van hug(ar)de(n) oft d(aer)omtr(ent) soude moege(n)/ gedaen hebben ind(en) p(er)soen van [vacat]/ d(aer)af deselve jan van udekem de jonge alsnu/ nyet volcomelijck geadv(er)teert en es wes d(aer)aff/ gebuert mach sijn doen(de) dit om hemselve(n) h(ier) inne/ te besorge(n) soe v(er)re e(n)nige ongeval gebuert wae(r)/ cor(am) vos forestar(io) berghe nausnyde(re) scab(inis) m(ar)tii vi