SAL7385, Akte: V°409.2-V°410.1 (765 van 1086)
Akte V°409.2-V°410.1
Act
Datum: 1492-03-07
Transcriptie
2018-09-10 door kristiaan magnusVand(er) questien geport voe(r) den rade vand(er)/
stadt tussche(n) ja(n)ne blanckart t(er) eenre en(de) steven(en)/
hellincx t(er) ande(re) aldair deselve jan vand(en)/
selve(n) steven(en) v(er)socht betaelt te moege(n) wordd(en)/
van alsulke(n) acht mudd(en) core(n)s alse hij he(m)/
geloeft hadde uuyt saken vand(er) moelen/
gelegen te deurne die de(n)selve(n) ja(n)ne plach/
toe te behoire(n) en(de) de welke deselve steve(n)/
terfpachte genome(n) hadde van ja(n)ne somers/
die die dair te voe(re)n vand(en) voirs(creven) erfpachte genome(n)/
hadde jairlijcx om sesse mudde core(n)s seggen(de)/
deselve jan blanckart dat dese acht mudd(en)/
core(n)s voirs(creven) zijn v(er)schene(n) als voir dyerste jair/
d(er) xxiiii mudd(en) core(n)s die mits compositien he(m)/
geordineert sijn bynne(n) drie jae(re)n jairlijcx acht/
mudd(en) d(aer)aff dat dierste es de(n) selve(n) ja(n)ne blanckart/
betaelt te wordden(e) inde stat van sijne(n) sesse mudd(en)/
corens die hij jairlicx opde selve moelen heeft/
Welck hoechsel van twee mudde(n) jairlicx dese/
drie jae(re)n due(re)nde gesedt es en(de) ov(er)come(n) tussche(n)/
he(m) en(de) bijde(n) voirs(creven) steven(en) he(m) geloeft ov(er)mits
//
zeke(re)n cortsele(n) en(de) quijtschelling(en) die den selve(n)/ steven(en) en(de) zijne(n) kinde(re)n bijde(n) selve(n) ja(n)ne wel/ van xiiii oft xv mudd(en) core(n)s oft d(aer)omtrint gebuert/ sijn des he(m) deselve jan oft steven dat ontkynne(n)/ woude gedroech totte(n) goed(en) ma(n)ne(n) die d(aer)bij geweest/ hadd(en) ende dairaff te spreken wiste(n) Hopen(de) deselve/ jan wair hijt bij ontkynne(n) des voirs(creven) stevens/ dit aldus gethoene(n) conste dat deselve steve(n) hem/ gehoud(en) soude sijn vand(en) selve(n) gevallen(en) acht mudd(en)/ core(n)s te v(er)nuege(n) hem des gedragen(de) totte(n) rechte/ Dair tege(n) deselve steve(n) hem v(er)antwerden(de) met/ diversen uutwege(n) als dat hij der moele(n) quijt/ was en(de) al mochte hij de voirs(creven) geloeften ende/ vorweerd(en) vand(er) betalinge(n) der acht mudd(en) core(n)s/ mette(n) voirs(creven) ja(n)ne hebbe(n) gemaect soe meynde/ hij nochtan dairaff ontlast te wesen want die/ gedaen wae(re)n uuyt saken vand(er) moele(n) oic hadde/ daniel van glymes zwag(er) des voirs(creven) jans die/ moelen voirt over van he(m) in ald(er) mate(n) hij deselve/ steve(n) die hadde en(de) die was uuyt saken van/ dien te mynste de sesse mudd(en) sculdich wair/ bij steven(en) dochte dat me talle(n) onredelijcke(n) sijn/ soude dat hij inde betalinge voirs(creven) gepraempt/ soude sijn en(de) ande(r) lude(n) die die pachte(n) sculdich/ wae(re)n soude(n) tgoet houde(n) Dair tege(n) jan r(e)plic(er)ende/ hielt hem aen de geluefte(n) ende voirweerden voirs(creven)/ Ende nae dien de voirs(creven) daniel als de derde/ oick bij he(m) ontboden sijnde en(de) hierop gehoirt/ wesen(de) genoech gecleert heeft dat hij zijne(n) zwag(er)/ voirs(creven) wel soude willen betalen de voirs(creven) acht/ mudd(en) en(de) steven(en) den last jairlijcx van dien/ afneme(n) alsoe v(er)re als steven he(m) dade hebben/ goede guedinge en(de) vestich(eit) vand(er) moelen en(de)/ d(aer)enbove(n) dat hij he(m) dade volgen alsulken/ drie mudd(en) corens aen reyne(re) de somer en(de) noch
//
twee mudd(en) aen ja(n)ne de pruet molde(r) die/ steven(en) in sijn moelen gesedt hadde gelijck de/ voirs(creven) daniel seyde vorweerde tusschen he(m) te/ wesen(e) sond(er) dwelck hij meynde inde betali(n)ge/ noch lossinghe voirs(creven) niet gehoud(en) te wesen/ Es duytsprake vand(er) stadt den selve(n) steven(en)/ ap(er)t gehoirt opde voirs(creven) gelueften en(de) vorweerd(en)/ die he(m) de voirs(creven) jan opleyde en(de) ond(er)vraecht/ wes d(aer)aff was oft hij die ontkynne(n) woude en(de)/ datme(n) d(aer)op aenhoirde den thoen bekinde hij die/ naectelijck alsulck te wesen mair bleeff nochta(n)/ bij zijne(n) voirneme(n) dat hij d(aer)aff meynde ongepraemt/ te blive(n) mits dat hij dier moelen quijt was/ en(de) dat daniel he(m) den last van dien afgenome(n)/ hadde dat deselve steve(n) acht(er)volgen(de) zijnd(er)/ kynnessen gehouden soude sijn den voirs(creven) ja(n)ne/ te contente(re)n vand(en) selve(n) zijne(n) eyssche oft d(aer)aff/ zijne(n) moet hebbe(n) Ende heeft deselve steve(n)/ voirt gebreck aenden voirs(creven) daniele oft yemant/ and(er)s van sijnd(er) lossinge(n) dat hij dat volgen/ mach met rechte dair en(de) alsoe dat behoirt/ in cons(ili)[o] opidi martii vii
//
zeke(re)n cortsele(n) en(de) quijtschelling(en) die den selve(n)/ steven(en) en(de) zijne(n) kinde(re)n bijde(n) selve(n) ja(n)ne wel/ van xiiii oft xv mudd(en) core(n)s oft d(aer)omtrint gebuert/ sijn des he(m) deselve jan oft steven dat ontkynne(n)/ woude gedroech totte(n) goed(en) ma(n)ne(n) die d(aer)bij geweest/ hadd(en) ende dairaff te spreken wiste(n) Hopen(de) deselve/ jan wair hijt bij ontkynne(n) des voirs(creven) stevens/ dit aldus gethoene(n) conste dat deselve steve(n) hem/ gehoud(en) soude sijn vand(en) selve(n) gevallen(en) acht mudd(en)/ core(n)s te v(er)nuege(n) hem des gedragen(de) totte(n) rechte/ Dair tege(n) deselve steve(n) hem v(er)antwerden(de) met/ diversen uutwege(n) als dat hij der moele(n) quijt/ was en(de) al mochte hij de voirs(creven) geloeften ende/ vorweerd(en) vand(er) betalinge(n) der acht mudd(en) core(n)s/ mette(n) voirs(creven) ja(n)ne hebbe(n) gemaect soe meynde/ hij nochtan dairaff ontlast te wesen want die/ gedaen wae(re)n uuyt saken vand(er) moele(n) oic hadde/ daniel van glymes zwag(er) des voirs(creven) jans die/ moelen voirt over van he(m) in ald(er) mate(n) hij deselve/ steve(n) die hadde en(de) die was uuyt saken van/ dien te mynste de sesse mudd(en) sculdich wair/ bij steven(en) dochte dat me talle(n) onredelijcke(n) sijn/ soude dat hij inde betalinge voirs(creven) gepraempt/ soude sijn en(de) ande(r) lude(n) die die pachte(n) sculdich/ wae(re)n soude(n) tgoet houde(n) Dair tege(n) jan r(e)plic(er)ende/ hielt hem aen de geluefte(n) ende voirweerden voirs(creven)/ Ende nae dien de voirs(creven) daniel als de derde/ oick bij he(m) ontboden sijnde en(de) hierop gehoirt/ wesen(de) genoech gecleert heeft dat hij zijne(n) zwag(er)/ voirs(creven) wel soude willen betalen de voirs(creven) acht/ mudd(en) en(de) steven(en) den last jairlijcx van dien/ afneme(n) alsoe v(er)re als steven he(m) dade hebben/ goede guedinge en(de) vestich(eit) vand(er) moelen en(de)/ d(aer)enbove(n) dat hij he(m) dade volgen alsulken/ drie mudd(en) corens aen reyne(re) de somer en(de) noch
//
twee mudd(en) aen ja(n)ne de pruet molde(r) die/ steven(en) in sijn moelen gesedt hadde gelijck de/ voirs(creven) daniel seyde vorweerde tusschen he(m) te/ wesen(e) sond(er) dwelck hij meynde inde betali(n)ge/ noch lossinghe voirs(creven) niet gehoud(en) te wesen/ Es duytsprake vand(er) stadt den selve(n) steven(en)/ ap(er)t gehoirt opde voirs(creven) gelueften en(de) vorweerd(en)/ die he(m) de voirs(creven) jan opleyde en(de) ond(er)vraecht/ wes d(aer)aff was oft hij die ontkynne(n) woude en(de)/ datme(n) d(aer)op aenhoirde den thoen bekinde hij die/ naectelijck alsulck te wesen mair bleeff nochta(n)/ bij zijne(n) voirneme(n) dat hij d(aer)aff meynde ongepraemt/ te blive(n) mits dat hij dier moelen quijt was/ en(de) dat daniel he(m) den last van dien afgenome(n)/ hadde dat deselve steve(n) acht(er)volgen(de) zijnd(er)/ kynnessen gehouden soude sijn den voirs(creven) ja(n)ne/ te contente(re)n vand(en) selve(n) zijne(n) eyssche oft d(aer)aff/ zijne(n) moet hebbe(n) Ende heeft deselve steve(n)/ voirt gebreck aenden voirs(creven) daniele oft yemant/ and(er)s van sijnd(er) lossinge(n) dat hij dat volgen/ mach met rechte dair en(de) alsoe dat behoirt/ in cons(ili)[o] opidi martii vii
Nagekeken door: Karel Embrechts
Moderator: Karel Embrechts
Laatste update:: 2015-08-13 door Agata Dierick