Want jan bloemart die nae des(er) stadt recht voir/ sijn wettich gebreck uut crachte van scepen(en) brieven van/ loeven(en) comen en(de) geleydt es tot allen den goeden/ beyde have en(de) erve jans de becke(re) jacops de becke(re)/ zijns zoens ende jans wijle(n) de becke(re) oic sone als hij/ leefde des voirs(creven) jans soe wair die gelege(n) zijn hem met/ brieven van des(er) stadt gescreven aenden meye(r) va(n) cu(m)ptich/ oft zijne(n) stadhoude(r) te willebringen alle de selve goede/ behoirlijck heeft doen leve(re)n ende den voirs(creven) janne de/ becke(re) den vader den voirs(creven) jacoppe de becke(re) en(de) der/ weduwen des voirs(creven) wijlen jans de becke(re) des soens/ ende hue(re)n tegewoirdigen man dach van rechte alhier/ te compare(re)n inde banck voir meye(r) ende scepen(en)/ van loeven(en) oft zij hen dairtegen hadden willen/ oppone(re)n doen bescheyden Aldair zij op heden/ als ten gecontinueerden daghe van rechte niet/ gecompareert en zijn den voirs(creven) geleydde(n) compare(re)nde/ en(de) trecht voirt versueken(de) soe v(er)re dat de scepen(en)/ van loeven(en) t(er) manisse(n) smeyers dat hen behoirl(ijck)/ heeft gebleken bij resc(ri)pte jans de hertoge meyers tot/ cu(m)ptich de voirs(creven) leveri(n)ge en(de) dach besceydi(n)ge behoirl(ijck)/ gesciet te zijne vo(n)neslijck gewijst hebben datme(n) den/ selve(n) geleydde(n) vand(en) voirs(creven) goeden houde(n) soude inde/ macht va(n) zijne(n) beleyde scepen(en) brieve(n) en(de) leveri(n)g(en) alsoe v(er)re/ alst noch voir scepen(en) come(n) es in scampno m(ar)tii xxix