Allen den ghene(n) doen condt en(de) te weten(e)/ dat gheert smickart wonen(de) te thielt in/ p(rese)ntia heeft geconstitueert gesedt volcome(n)/ macht procuratie ende aucto(r)iteyt gegeve(n)/ will(em)me cloest(er)mans ja(n)ne van udekem/ voirspreke will(em)me van leefdale en(de) arnde/ van vroenhove(n) aut Alle sijn saken q(ue)stien/ ende gescillen die hij alsnu uuytstaende/ heeft oft namaels sal moegen hebben/ voir alle gerichten gheestelijck en(de) weerlijck/ tegen wien dat zij Alle sijn jairguld(en)/ sculden chijsen rinten pachten opcomi(n)gen/ profijten ende vervallen goede beruerlijc/ ende omberuerlijck hoedanich die sijn/ wair die belegen sijn oft bevonden/ sullen moegen werden te verwae(re)n/ te manen teysschen opte bue(re)n en(de) tonfang(en)/ dair voe(r) te panden te dagen te beleyd(en)
//
rastamente te doen leggen die met/ rechte texeque(re)n ende te vervolgen te/ bedingen te wynnen te verliesen alle gescrifte(n)/ ende libellen over te geve(n) en(de) te neme(n) te/ replice(re) te duplice(re)n (et)c(etera) in meliori forma/ promitt(entes) rat(um) salvo iusto calculo cor(am) b(er)ge/ hermeys aprilis xxv