Item warnier de muer meye(r) van laetwijck/ heeft gekindt gehaven te hebben(e) van/ arnde hanckart eene(n) gouden ingel/ ende vand(er) weduwen symoens wijle(n)/ symoens twee goud(en) croene(n) ende xxiiii/ stuv(er)s in paymente als voir dinsette(n)/ vand(er) hootvairt bijden scepen(en) van/ laetwijck begrepen om te trecken te/ fleytingen oft dair dat behoirt ind(er)/ saken vanden gedinge te laetwijck/ uuytstaende tusschen den selve(n) arnde/ ende der weduwen als verweerd(er)s/ tegen zeke(r) p(er)sonen van dongelberghe/ aenlegg(er)s Ende heeft geloeft deselve/ weduwe tgheene dat dair soude/ moegen gebreken totter hootvairt op/ dat de scepen(en) ten hoofde trecken ende/ huer thootvonnes tegenghinck te voldoene/ voir tselve porren tgheene des sij d(aer)aff/ te cort sal moege(n) sijn Ende ter ande(r)/ sijden heeft de voirs(creven) meye(r) geloeft/ oft de wed(er)p(ar)tie niet inne en stelde/ oft oick inden gevalle sij innegestelt/ hebben(de) der selver weduwen ende
//
arnde thootvonnese mede quame hen/ huer voirs(creven) pe(n)ninge te restitue(re)n cor(am) berghe/ nausnydere aprilis ultima