Vander questien gecome(n) bijden raide vander stadt tusschen/ huyge van udekem die aldair betoge(n) hadde jouffrouwe
//
magdalene van meenssele zijn weerdynne te kynnen geven(de)/ hoe dat hij in groot(en) laste ende sceemte(n) come(n) was mits seke(re)n/ processen die hij inden name van zijnder huysvr(ouwe) hadde moete(n)/ vue(re)n tegen huer kinde(re) van hue(re)n voirman henr(icke) wijlen/ vanden ynde voe(r) den officiael van luydick Ende was in/ dien alzoe verre geprocedeert ald(aer) dat hij hadde moeten cruse(n)/ den moet van zijnder en(de) hue(re)r wed(er)p(ar)tie(n) van seke(re)n rinte(n)/ die hen aldair aengewesen wae(re)n aengeleecht in tijden/ voirleden opde stadt van s(in)[t] truyden mette(n) acht(er)stellige(n)/ in dien en(de) d(aer)toe bedwongen geweest met censue(re)n ende/ anderssins d(aer) hij lange inne gestaen hadde mits dat hijs/ vanden zijne(n) niet en wist te betalen(e) Hoe wel hij nochtan/ hem met zijne(n) goeden ge in dese(n) hadde pijne(n) te behulpen(e)/ ende ware(n) gescapen weder inde selve censue(re)n te vallen(e)/ op dat hij d(er) selver p(ar)tie(n) niet vestich(eit) en dede vander/ so(m)me(n) van pe(n)ni(n)gen ende anderssins Dair af zijs met/ malcande(re)n bij tusschen spreken(e) van goeden ma(n)nen en(de)/ vrinden eens mochten zijn wesen bege(re)nde alzoe/ ende versueken(de) zijn huysvr(ouwe) met rechte onderwesen/ te hebben(e) dat zij van hue(re)r zijden en(de) goeden dair zij af als/ tocht(er)sse inne gericht mocht wesen hem om de voirs(creven)/ vestich(eit) te doene te baten tecome(n) woudde ende/ hant en(de) mont leene(n) ten ynde dat hij niet voirde(r) bescaempt/ en werdde ende alle voirde(r) costen verhuedt mochten/ bliven Dair toe zij tot noch toe niet en hadde willen/ verstaen te voerde(r) gemerct dat de voirs(creven) huge dese/ sake om hue(re)nt wille hadde en(de) van hue(re)nt wegen/ ende niet van zijnder zijden Dair tegen de voirs(creven) jouffr(ouw)/ hoepte dat zij des niet doen en soude allige(re)nde hue(r)/ armoede(n) en(de) gelegenth(eit) ende hoe dat de voirs(creven) huyge/ huer man e(n)nige rinte(n) hadde pijnen te doen aflegge(n)/ en(de) de pe(n)ni(n)g(en) te trecken(e) dair inne hue(r) kinde(re) als erflude(n)/ inne gericht wae(re)n ende dat hij allet hue(re) opheffen(de) was
//
sustine(re)nde alzoe in dien de contrarie maken(de) genoech eysch/ op den selven huyge in dien dat hij sculdich soude zijn de/ pe(n)ni(n)g(en) gecome(n) vand(en) rinte(n) van hue(re)n kinde(re)n voirscr(even)/ die weder te keeren(e) om dair af te geschiede(n) als behoe(re)n/ soude Dair tegen de voirs(creven) huyge r(e)plice(re)nde seyde datme(n)/ tselve niet bevi(n)den en soude P(rese)nte(re)nde hue(r) dair af trecht/ te weten(e) wes morgen oft overmorgen bevond(en) soude/ moege(n) werdden dien aengaen(de) dair af te doene des recht/ soude moegen wijsen seggen(de) dat dit niet manie(re)n en/ wae(re)n om hue(r) in desen te verweren van zijne(n) versueke/ voirs(creven) (et)c(etera) met meer woerdden in weerzijden ten effecte/ voirs(creven) gebuert Es get(er)mineert ende uuytgesproken/ bijden selve(n) raide hier op int lange gelet zijnde dat/ de voirs(creven) jouffrouwe den voirs(creven) hue(re)n man sculdich sal zijn/ behulp en(de) assisten(tie) te doene van hant en(de) mont te leenen/ en(de) oick van hue(re)n goeden zoe verre in hue(r) es ende hue(re)r/ tocht aengaen mach om de voirs(creven) vesticheid(en) te doene/ alzoe dat genoech sal moegen wesen Reserve(re)nde der/ selver jouffr(ouw) hue(r) actie en(de) recht en(de) hue(re)n kinde(re)n/ zoe wa(n)nier dat hen believe(n) zal vandes de selve huyge/ soude hebbe(n) moegen doen afleggen oft te hemwerts/ getogen hebben dair inne de selve hue(r) kinde(re) oft e(n)nich/ van hen als erfluden nae des(er) stadt recht inne gericht/ souden moege(n) wesen in (con)s(ili)o opidi maii xvi