Want willem van bruessele als procure(u)[r] katlijne(n)/ reymarts weduwe giel(is) wijlen rogge geleyt nae/ des(er) stadt recht voir zijn wettich gebreck uuyt cracht/ van scepen(en) brieve(n) van loeven(en) tot allen den goeden beyde/ have ende erve jans wijlen roekeloos zoe wair/ die gelegen zijn hem met janne berain vorste(r) en(de)/ dyene(r) alhier alle de selve goede bynnen des(er) stadt/ gelegen behoirlijck heeft doen leve(re)n ende margriete/ roekeloos suster des voirs(creven) wijlen jans dach van rechte/ te comp(ar)e(re)n inde banck voe(r) meye(r) ende scepen(en) van/ loeven(en) doen bescheide(n) oft zij hue(r) d(aer)tegen hadde wille(n)/ oppone(re)n Aldair zij op heden niet gecomp(ar)eert en es/ noch procur(eur) van hue(re)nt wegen he(m) d(aer)tegen oppone(re)nde/ den voirs(creven) geleidd(en) altijt comp(ar)e(re)nde en(de) trecht voirt/ versueken(de) soe hebben de scepen(en) van loeven(en) ter/ manissen smeyers dat hen behoirlijck gebleke(n) heeft/ bij cleerniss(en) des voirs(creven) vorst(er)s de voirs(creven) leveri(n)ge/ ende dach bescheidinge geschiet te zijne gewesen/ hebben voir een vo(n)nisse Waer de wederp(ar)tie des/ voirs(creven) geleidd(en) niet en comp(ar)eerde ten opstane des/ meyers ende scepen(en) datmen den selve(n) geleidden houde(n)/ soude inde macht van zijne(n) beleyde en(de) scepen(en) br(ieven)/ ende leveri(n)ge(n) alsoe verre alst voe(r) scepen(en) come(n) es/ in scampno maii xvii