Nae dien jan van ghele met behoirlijck(er) rasteme(n)te gevolcht/ heeft voir seke(r) zijn gebreck op zeke(r) goede(n) toebehoiren(de)/ marien meermams wesen(de) inde(n) huyse desselfs jans/ gelege(n) opde(n) blauweputte gelijck dat gebleke(n) heeft/ te manissen smeyers ende wijsdom der scepen(en) bij janne/ berain vorste(r) geschiet te zijne ende oick de conde in dien/ ende de selve jan alzoe voirts trecht versueken(de) oick ter/ manissen smeyers ende wijsdom der scepen(en) op vier pet(er)s/ ende twee croone(n) behalven dat de selve marie op dat/ hue(r) beliefde int selve zijn huys soude moegen woenen/ tot loeven(en) kermisse naistcomen(de) versueken(de) alzoe voirts/ hoe hij tot zijne(n) gebreke soude moegen geraken want/ nyemandt tegen en comp(ar)eerde Es gewesen bijde(n)/ scepen(en) ter manissen des meyers dat de voirs(creven) jan zijn/ gebreck en(de) gecleerde schult verhale(n) sal nae recht aen/ de voirs(creven) gerasteerde goeden overter yet dat hij t wed(er)ke(re)n/ zal ende gebraect daer dat hij voirtvaren soude met/ rechte in scampno maii xix