Want willem vand(er) bruggen geheete(n) mette(n) gelde/ als geleydt nae des(er) stadt recht voir sijn wettich/ gebreck uut crachte van scepen(en) brieve(n) van loven(en)/ tot allen den goede(n) beyde have en(de) erve philips/ pipenpoy soe wair die gelegen sijn hem met brieve(n)/ van des(er) stadt gescreve(n) aenden meye(r) van leefdale/ oft sijne(n) stadhoude(r) alle deselve goede behoirlijck/ heeft doen leve(re)n en(de) den selve(n) philipse en(de) goirde/ boeg(ar)t sijne(n) wi(n)ne dach van rechte te compare(re)n/ inde banck voir meye(r) en(de) scepen(en) van loven(en) doen/ besceyden oft zij hen tege(n) deselve leveri(n)ge hadd(en)/ willen oppone(re)n Aldair sij op heden als ten v(er)streken(en)/ dage nyet gecompareert en sijn noch oick procur(eur)/ van hue(re)n wegen den voirs(creven) geleydden altijt/ compare(re)nde en(de) trecht voirt versueken(de) soe/ v(er)re dat de scepen(en) van loven(en) t(er) manissen smeyers/ nae dat hen bij rescripte jacops van kielsdonck/ meyers van leefdale voirs(creven) gebleken heeft de/ voirs(creven) leveri(n)ge ende dach besceydinge gesciet/ te sijne gewesen hebben voir een vonnesse/ Wair de wed(er)p(ar)tie des voirs(creven) geleydden/ nyet en compareert ten opstaen(e) smeyers en(de)/ der scepen(en) datmen den selven geleydden/ houden soude inde macht van sijnen/ beleyde scepen(en) brieve(n) en(de) leveringe(n) alsoe v(er)re/ alst noch voir scep(enen) come(n) es in sca(m)pno junii ix