Item jan p(er)soens sone wijle(n) lambrechts en(de)m(ar)griete/ vande(n) moerte(re) sijn huysvrouwe in p(rese)ntia hebbe(n) genome(n)/ en(de) bekindt genome(n) te hebben(e) vand(en) eerweerdigen/ hee(r) mijne(n) hee(r) den abdt des goidshuys van sinte/ adriaens te geroensberghe die tselve bekint alsoe/ uutgegeve(n) te hebben een thiende geheeten de thiende/ van berghe den selve(n) cloeste(r) toebehoiren(de) metten chijsen/ en(de) rinten en(de) met achtien boende(re)n lants paulo/ plus vel min(us) geheete(n) tpersonaet lant dair toe/ behoiren(de) en(de) hue(re)n ande(re)n toebehoirte(n) gelijck deselve/ jan p(er)soens lambrecht p(er)soens en(de) denijs vanden/ roeken tselve gehouden hebben Te houden te/ hebben(e) te wynnen(e) inne te heffen(e) en(de) te besitten(e)/ van half mey naistcomen(de) eene(n) t(er)mijn van xii/ jae(re)n deen nae dande(r) sond(er) middel v(er)volgen(de)/ elcx jairs d(aer)enbynne(n) op alsulcken(en) chijns en(de) co(m)me(r)/ als uuyt(er) voirs(creven) thienden sculdich sijn te gaene/ ende d(aer)enbove(n) om en(de) voe(r) hondert guld(en) pe(n)ning(en)/ geheete(n) peet(er)s te vier scellinge(n) sesse pe(n)ning(en) groote/ brab(ants) elke(n) des voirs(creven) pet(er)s gerekent half te/ kersmesse naistcomen(de) en(de) half opte(n) yerste(n) dach/ van meye d(aer)naist volgen(de) en(de) alsoe voirtaen(e) jairlijcx/ h(ier)enbynne(n) opten wissel der stadt van bruess(el) te/ betalen(e) It(em) es vorweerde en(de) ond(er)sproken dat/ de voirs(creven) wynne(n) de voirs(creven) thiende en(de) lant nyema(n)t/ voert en sulle(n) moege(n) bestaden bynne(n) hue(re)n voirs(creven)/ jaerschae(re)n sond(er) wille weten(e) en(de) consente des
//
voirs(creven) eerweerdigen hee(re)n des abts vand(en) co(n)vente/ des cloest(er)s voirs(creven) oft zijne(n) procur(eur) ten tijde zijnde/ Ende dat deselve wynne(n) tselve lant bynnen/ den selve(n) jairschae(re)n wel en(de) loffelijck selen ov(er)mesten/ nae zede en(de) costume vand(en) lantrechte ter plaetsen/ dair dat gelegen es Item selen deselve wynne(n)/ tselve lant ten eynde van hue(re)n jairschae(re)n moege(n)/ laten bloot bij alsoet he(n) gelieft ende t(er) meerder/ sekerheyt van desen hebben geloeft deselve gehuyssche(n)/ den voirs(creven) p(re)laet tot sijnd(er) manissen goede zekerheit/ en(de) vesticheyt van borchtocht oft and(er)s te stellen sulck/ dat de voirs(creven) p(re)laet dair mede te vreden sal moege(n)/ wesen oft in gebreke van dien en(de) van e(n)nich vanden/ geluften en(de) conditien voirs(creven) sal deselve p(re)laet den/ voirs(creven) t(er)mijn d(er) pechtinge(n) niet wed(er)staen(de) deselve/ thiende en(de) lande wed(er) moege(n) te he(m)w(er)t neme(n) en(de)/ ae(n)veerden Ende alle dese voirweerden (et)c(etera) cor(am) b(er)ge/ nausnyde(re) junii xviii