Want henrick vand(er) heyden geheeten yngerams/ als geleydt nae des(er) stadt recht voir sijn/ wettich gebreck uut crachte van scepen(en) brieve(n)/ van loven(en) tot allen den goeden beyde have/ en(de) erve jouffr(ouwe) magdalene(n) van meenssele/ nut(er)tijt huysvrouwe huyghens van udekem/ soe wair die gelegen sijn hem met brieve(n)
//
van des(er) stadt gescreve(n) aenden meye(r) van/ libbeke oft sijne(n) stadhoude(r) te holsbeke alle/ deselve goede en(de) bezund(er)t twee coeyen een/ bedde noch een cleyn beddeken eene(n) ketel/ en(de) twee tennen scotelen behoirlijck heeft doen/ leve(re)n en(de) d(er) voirs(creven) jouffr(ouwe) magdalene(n) dach van/ rechte te compare(re)n inde banck voir meye(r) en(de)/ scepen(en) van loven(en) doen beceyden oft zij huer/ tege(n) deselve leveringe hadde willen oppone(re)n/ Aldair zij op heden als ten verstreken(en) dage nyet/ gecompareert en es noch oick procur(eur) van hue(re)n/ wegen ende arnoldus van vroenhove(n) als/ p(ro)cur(eur) des voirs(creven) geleydden trecht voirt v(er)socht/ heeft soe v(er)re dat de scepen(en) van loven(en) ter/ manissen smeyers nae dat hen bij rescripte/ anthonijs van wynge meyers van libbeke voirs(creven)/ behoirlijck gebleken heeft de voirs(creven) leveringe/ en(de) dach besceydinge gesciet te sijne gewesen/ hebben voir een vonnesse Wair de wed(er)p(ar)tie/ des voirs(creven) geleydden nyet en compareert voe(r)/ den opstaen(en) smeyers en(de) d(er) scepen(en) datme(n) den/ selve(n) geleydden houd(en) soude inde macht van/ sijne(n) beleyde scepen(en) brieve(n) en(de) leveringen alsoe v(er)re/ alst noch voir scepen(en) comen es in scampno junii/ xix