SAL7385, Akte: V°87.2-V°88.1 (178 van 1086)
Akte V°87.2-V°88.1
Act
Datum: 1491-09-07
Transcriptie
2018-06-27 door kristiaan magnusOp den eysch die vranck cloet van mechelen/
voe(r) den raide vand(er) stadt gedaen heeft tot janne van/
berthem opten capp[ell]e(n)berch van lxx andr(ies)gulden(en) van/
zeke(re)n p(ar)tien van zijden(en) laken(en) d(aer)aff hij desselfs jans/
hanteeken exhibeerde ende bijd(en) welke(n) het blijct/
dat de dage van betali(n)gen wae(re)n gevalle(n) en(de) ov(er)lede(n)/
ende voirt noch meer van negen gelijcke gulden(en)/
oic van wae(re)n hem zedert ende buyte(n) d(er) cedulle(n)/
gelev(er)t d(aer)aff al hij bij middele vand(en) wet alhier/
noch voirde(r) daghe van betali(n)gen dan de voirs(creven)/
cedulle uutwijst gehadt hadde die alle wae(re)n/
overlede(n) en(de) die de selve jan egheenss(ins) en hadde voldaen/
bege(re)nde ende versueken(de) den selve(n) janne onderwese(n) oft/
bedwongen te wordden tot betali(n)gen van dien en(de)/
sustineerde dat dat alsoe van rechts wegen behoirde/
Dair tegen de selve jan bekynnen(de) de selve schult/
sculdich te wesen de daghe en(de) appoi(n)teme(n)ten gelijc/
voe(r) gemaict gevalle(n) ende overleden te wesen mair/
seyde dat bellix gheen andries gulden(en) sijn en soud(en)/
mair coopmans gulden(en) Seyde voirts dat hijs/
niet en hadde te betale(n) al wairt datme(n) hem/
dair voe(r) hachte oft uutpendinge op hem dede
//
want hij van zijnen creditue(re)n nerge(re)ns betaelt en/ conste(n) gesijn ende aldus tendeerde hij tot vorde(re)n/ uutstelle ende dat gheen gouden(en) andr(ies) gulden(en)/ zijn en souden met diversen reden(en) Dair tegen/ vranck cloet wed(er) thoende des voirs(creven) jans cedulle/ van hanteeken ende m(er)kelijck dede blijcke(n) bijd(er) selv(er)/ dat die begrijpt lxx andries gulden(en) zonder/ ande(re)n prijs oft weerde van pe(n)ni(n)gen Op dwelc/ jan p(er)siste(re)nde in alnoch guetelike dage te hebben/ ende nae dien vranck in dien bij onderwijse vande(n)/ hee(re)n hem tot gevuege gaff consente(re)nde genoech/ vand(er) eend(er) hellicht hem dach te geven navolgen(de)/ zijnd(er) beg(er)ten drie weke(n) tijts ende vand(er)/ and(er) hellicht tot kersmesse naistcomen(de) bij alsoe/ dat hij tussche(n) dit ende morge(n) noene hem/ eene(n) goiden redeliken borghe dair voe(r) stelde/ d(aer)mede hij te vrede(n) soude moegen zijn ende den/ selve(n) janne niet te manen en dorste hebben/ oft dat hij dae(re)nbynne(n) met ande(re)n manie(re)n/ van pe(n)ni(n)gen hem paeyde dwelc van beyden/ hem best geliefde ende dwelc den selve(n) janne/ alsoe bij appointeme(n)te nae zijns selfs ov(er)geven(en)/ ende (con)sente op ghiste(re)n get(er)mineert en(de) uutgesproke(n)/ werdt te doene bijd(en) raide vand(er) stadt Ende/ want ten selven ande(re)n daghe dair nae voir noene/ de selve jan acht(er)volgen(de) den selven voir appoi(n)tem(en)te/ niet en pijnde den selve(n) vrancke te (con)tente(re)n/ met pe(n)ni(n)gen oft borgen gelijc voe(r) mair de/ selve jan doen uutwegen sochte opde vrijheyt/ vande(n) geleyde dair hij sdaigs te voe(re)n in/ zijne(n) verantwerden(en) egheen v(er)maen aff en hadde
//
gemaict ende hij egheenssins acht(er)volgen en woude/ noch voldoen tgene des gelijc voe(r) sdaigs te voe(re)n/ geappoi(n)teert ende bij hem aengenomen was Soe/ hebben de wethouders uutgesproke(n) voir recht/ dat jan met zijne(n) uutwegen vanden geleyde/ dair hij op ghiste(re)n v(er)antwerden(de) dese sake niet aff/ en v(er)maende verdoelt es ende dat hij gehoude(n)/ sal zijn de voiruutsprake te voldoene in/ consilio opidi septembr(is) vi et franco habuit/ que(re)las et est add(uc)[tus] ad bona mo(net)[a] (et) i(m)mo(bili)[a] cor(am)/ hove nausnyde(re) septembr(is) vii
//
want hij van zijnen creditue(re)n nerge(re)ns betaelt en/ conste(n) gesijn ende aldus tendeerde hij tot vorde(re)n/ uutstelle ende dat gheen gouden(en) andr(ies) gulden(en)/ zijn en souden met diversen reden(en) Dair tegen/ vranck cloet wed(er) thoende des voirs(creven) jans cedulle/ van hanteeken ende m(er)kelijck dede blijcke(n) bijd(er) selv(er)/ dat die begrijpt lxx andries gulden(en) zonder/ ande(re)n prijs oft weerde van pe(n)ni(n)gen Op dwelc/ jan p(er)siste(re)nde in alnoch guetelike dage te hebben/ ende nae dien vranck in dien bij onderwijse vande(n)/ hee(re)n hem tot gevuege gaff consente(re)nde genoech/ vand(er) eend(er) hellicht hem dach te geven navolgen(de)/ zijnd(er) beg(er)ten drie weke(n) tijts ende vand(er)/ and(er) hellicht tot kersmesse naistcomen(de) bij alsoe/ dat hij tussche(n) dit ende morge(n) noene hem/ eene(n) goiden redeliken borghe dair voe(r) stelde/ d(aer)mede hij te vrede(n) soude moegen zijn ende den/ selve(n) janne niet te manen en dorste hebben/ oft dat hij dae(re)nbynne(n) met ande(re)n manie(re)n/ van pe(n)ni(n)gen hem paeyde dwelc van beyden/ hem best geliefde ende dwelc den selve(n) janne/ alsoe bij appointeme(n)te nae zijns selfs ov(er)geven(en)/ ende (con)sente op ghiste(re)n get(er)mineert en(de) uutgesproke(n)/ werdt te doene bijd(en) raide vand(er) stadt Ende/ want ten selven ande(re)n daghe dair nae voir noene/ de selve jan acht(er)volgen(de) den selven voir appoi(n)tem(en)te/ niet en pijnde den selve(n) vrancke te (con)tente(re)n/ met pe(n)ni(n)gen oft borgen gelijc voe(r) mair de/ selve jan doen uutwegen sochte opde vrijheyt/ vande(n) geleyde dair hij sdaigs te voe(re)n in/ zijne(n) verantwerden(en) egheen v(er)maen aff en hadde
//
gemaict ende hij egheenssins acht(er)volgen en woude/ noch voldoen tgene des gelijc voe(r) sdaigs te voe(re)n/ geappoi(n)teert ende bij hem aengenomen was Soe/ hebben de wethouders uutgesproke(n) voir recht/ dat jan met zijne(n) uutwegen vanden geleyde/ dair hij op ghiste(re)n v(er)antwerden(de) dese sake niet aff/ en v(er)maende verdoelt es ende dat hij gehoude(n)/ sal zijn de voiruutsprake te voldoene in/ consilio opidi septembr(is) vi et franco habuit/ que(re)las et est add(uc)[tus] ad bona mo(net)[a] (et) i(m)mo(bili)[a] cor(am)/ hove nausnyde(re) septembr(is) vii
Nagekeken door: Karel Embrechts
Moderator: Karel Embrechts
Laatste update:: 2015-08-07 door Agata Dierick