Want wout(er) van wanghe die nae des(er) stadt recht/ voir sijn wettich gebreck uut crachte van scepen(en)/ brieve(n) van loven(en) comen ende geleydt es tot allen/ den goeden beyde have ende erve mertens wijlen/ vande(n) berghe ende wout(er)s wijlen vande(n) broecke/ soe wair die gelegen sijn hem met brieve(n) van/ des(er) stadt gescreve(n) aenden meye(r) van halen oft/ zijne(n) stadhoude(r) te cortenake alle de selve goede/ behoirlijck heeft doen leve(re)n ende den kinde(re)n/ erfgename(n) ende wynne(n) der voirs(creven) p(er)soene(n) dach/ van rechte alhier te compare(re)n inde banck voir/ meye(r) ende scepen(en) van loven(en) oft zij hen tegen de/ selve leveri(n)ge hadden willen oppone(re)n doen/ bescheyden Aldair zij op heden als ten v(er)streken(en)/ daghe niet gecompareert en zijn den voirs(creven)/ geleydden altijt compare(re)nde ende trecht voirt/ versueken(de) soe hebben de scepen(en) van loven(en)/ ter manissen smeyers nae dat hen behoirlijck/ heeft gebleken bij resc(ri)pte willems van beckevoirt/ stadhoude(r) smeyers van halen tot cortenake(n) de voirs(creven)/ leveri(n)ge en(de) dachbescheydinge behoirlijck geschiet/ te zijne vonneslijck gewijst datme(n) wair de/ wed(er)p(ar)tie des voirs(creven) geleydden niet en compareerde/ voe(r) den opstaen(en) smeyers en(de) der scepen(en) datme(n)/ den selve(n) geleydden vanden voirs(creven) goeden houden/ soude inde macht van zijne(n) beleyde scepen(en)/ brieve(n) en(de) leveri(n)gen alsoe v(er)re alst noch voir/ scepen(en) comen es in scampno septe(m)br(is) x