Nae dien gielijs dangeley inde banck voe(r) meye(r) en(de) scepen(en) van/ loeven(e) gep(rese)nteert heeft voirt te va(r)en metten rastemente(n) die hij/ gedaen hadde op zeke(re) coren h(ier) bynne(n) liggen(de) toebehoiren(de) mijne(n)/ hee(re) van p(er)weez ende die gep(rese)nteert te bewijsen ende te bethoene(n)/ soe dat behoirt ende heeft doen lesen een kynnisse ende/ obligacie gesubsigneert met mijns hee(re)n van p(er)weiz prop(er)d(er) hant/ soe hij d(air)af mijne(n) hee(re) den eedt deylen woude te geven oft/ te nemen ende procur(eur) desselfs mijns hee(re)n van p(er)weiz dit/ aenhoirt hebben(de) beg(er)t heeft want mijn hee(re) om eedt te/ doene oft laten doen alh(ier) geruert wordt uuytstel van dese(n)/ om mijn hee(re) h(ier)af te informe(re)n ende te come(n) den eedt ae(n)neme(n)/ oft overgeven oft ten mynsten inder saken te doen(e) des zijne(n)/ raet gedrage(n) soude Soe es tusschen p(ar)tien dach genome(n)/ van uuytstelle ende bekint om h(ier)toe te come(n) dach van/ xiiii nachten In scampno julii xxvi