Want her arndt wijten prieste(r) religieulx des godshuys/ van p(er)cke als proeft desselfs godshuys geleydt sijnde nae des(er)/ stadt recht voir sijn wettich gebreck uut crachte van scepen(en)/ brieve(n) van loven(e) tot allen den goeden beyde have en(de) erve/ henricx wijle(n) van coude(n)berge geheete(n) de pape thomaes/ wijle(n) kerincx willems wijlen de h(er)toge (christ)offels wijle(n) van/ haeght arnts wijle(n) wants henricx kennema(n)s jans/ kennema(n)s soens des voirs(creven) henricx en(de) ph(ilip)s van haeght/ soe wair die gelegen sijn hem met brieve(n) van deser/ stadt gescreve(n) aenden meye(r) van haeght oft sijne(n) stadh(ouder)/ alle deselve goede behoirlijck heeft doen leve(re)n en(de) den/ kinde(re)n en(de) erfgenamen des voirs(creven) wijle(n) henricx va(n) coude(n)/ berghe en(de) thomase kerincx de(n) weduwen en(de) kinde(re)n des voirs(creven)/ wijle(n) willems de hertoge en(de) (christ)ofels wijle(n) van haecht/ den kinde(re)n en(de) erfgename(n) des voirs(creven) wijle(n) arnts wants/ den voirs(creven) janne kennema(n)s en(de) ph(ilips)e van haecht dach/ van rechte alh(ier) te compare(re)n inde banck voir meye(r) en(de)/ scepen(en) van loven(e) oft zij dair tege(n) hadden willen oppone(re)n/ doen besceyden ten welken dage nyemant come(n) en es/ noch oick p(ro)cur(eur) van hue(re)n wegen den voirs(creven) geleydden/ altijt compare(re)nde en(de) trecht voirt versueken(de) Soe/ v(er)re dat de scepen(en) van loven(e) ter manissen smeyers nae/ dat hen bij rescripte hubrechts cleyma(n)s geheete(n) sluyte(re)/ meyers van haecht behoirlijck gebleken heeft de voirs(creven)/ leveringe en(de) dach besceydinge gesciet te sijne gewesen/ hebbe(n) voir een vonnesse wair de wederpartie/ des voirscreven(en) geleydden niet en compareert voe(r)
//
den opstaene smeyers ende der scepen(en) datme(n)/ den selve(n) geleydden houden soude inde macht/ van sijne(n) beleyde scepen(en) brieve(n) ende leveringen/ alsoe verre alst noch voir scepen(en) comen es In/ scampno nove(m)br(is) xvii