It(em) de voirs(creven) gelufte es geschiet te dier meyni(n)g(en) dat d(aer)mede/ gelost en(de) afgequijdt sullen zijn ende bliven alsulke(n) xxiiii/ stuv(er)s erffelijck vallen(de) ultima decembr(is) als de voirs(creven)/ lod(ewijc) met scepen(en) brieve(n) van loeven(en) heffende es op huys ende/ hoff metten toebehoirten den voirs(creven) janne bollens toebehoiren(de)/ gelegen te schoe(re) binnen de vrijheyt van loeven(en) tussche(n) de goede/ pauwels meys ter eenre ende yden bollens t(er) ande(re) zijd(en)/ Behalven dat de selve lod(ewijc) sijn scepen(en) brieve(n) vande(n) selven/ xxiiii stuv(er)s erff(elijck) in huer(er) macht behoude(n) sal tott(er) tijt toe/ dat de voirs(creven) xvi croenen geheelijck betaelt zulle(n) zijn/ Ende die geheelijck volbetaelt zijnde sal hij de selve/ brieven casse(re)n ende te nyeute doen ende die den voirs(creven)/ janne bollens gecasseert ov(er)leve(re)n cor(am) eisdem