Vanden geschille wesende tusschen gielise ende ja(n)ne van hortbeke/ gebruede(re)n ende henrick vanden wouwe(re) als man en(de) mo(m)boir/ katlijne(n) van hortbeke zijns wijfs zuster des voirs(creven) gielis/ hierinne vervangen(de) ende op hen nemen(de) samentlijck/ katlijne(n) weduwe henricx wijle(n) van hortbeke moeder/ der voirs(creven) gielis ende katlijne(n) ende joese van cuyckelb(er)ge/ ende lijsbetten van hortbeke zijnd(er) huysvr(ouwe) die hij hierinne/ oic geloeft heeft te vervangen ter eenre ende willem(me)/ cruyplant als gebruycke(re) van eene(n) beempde leens gelegen/ tsinte pet(er)s vissenaecke neven de voirstrate t(er) eenre om der/ dertich rinsgulden(en) wille ende des dairaen cleeft die/ jan wijlen cruyplant xi decembr(is) a(n)no lxxxiii der voirs(creven)/ katlijnen der moeder geloefde voe(r) scepen(en) van loeven(en)/ dairaff alnoch egheen volle voldoeni(n)ge gesciet en was/ soe dyerste p(ar)tie meynde ende oic t(er) ande(re) zijd(en) van/ gebreke van volcomender guedi(n)gen vand(en) voirs(creven) beemde/ dairuut de voirs(creven) pe(n)ni(n)gen spruyten(de) comen t(er) ande(re) ende/ des allen desen voirde(re) t(er) eend(er) oft ter ande(re) zijd(en) aencleven
//
mach Hebben hen de selve p(ar)tien gesubmitteert ende/ verbonden in segge(re)n ende mynlike yffeneers te weten(e) de/ voirs(creven) yerste p(ar)tie in henricu(m) hanckart secretar(is) en(de) dande(re)/ in janne van udekem voirspreke De welke informatie/ ende cleernisse vand(er) selv(er) p(ar)tien geschille neme(n) sullen/ ende hue(re) eendrechtige uutsprake doen op van in sat(er)dage/ ov(er) acht dagen naistcomen(de) cor(am) grave(n) buetsele junii xxv