Item henrick haveloos zone wijlen wout(er)s ende andries/ kerckast(er) zone andries wonen(de) te berthem in p(rese)ncia/ hebben genome(n) ende bekynt genome(n) te hebben(e) tegen/ arnold(us) van kets den ouden als rintmeest(er) vand(en)/ firmarie ende heylege(n)gheest des groots beghijnshof van/ loeven(en) alle alsulcke eygen(en) lande gelegen te berthem/ dair op de firmarie en(de) heyli(gengheest) tsamen heffen(de) zijn/ xliiii stuv(er)s erffelijck als de voirs(creven) andries kerckast(er)/ doude voirmaels erfelijck gehouden heeft en(de) d(air)af hij/ onlancx zijn tocht overgegoet heeft voir eyge(n)genoeten/ van berthem tot behoef des firmarien en(de) heylighe(n)gheest/ nae uuytwijsen der brieve(n) d(air)af gemaict zijnde Te/ houden te hebben ende te wynnen van halfmerte/ lestleden eenen t(er)mijn van sesse jae(re)n lanck due(re)nde/ deen nae dande(re) zonder middel vervolgen(de) Elcx jairs/ d(air)embynne(n) om ende voe(r) vie(re)nveertich stuv(er)s goet/ ende ghinge der mu(n)ten te betale(n) jairlijcx ten/ valdaige der voirs(creven) xliiii stuv(er)s erfelijck inde oude/ br(ieve) dair af gemaict zijnde begrepe(n) Item is voirt/ vorweerde dat de voirs(creven) wynnen de voirs(creven) landen/ wynnen werve(n) ende mesten zulle(n) gelijck regenoete(n)/ boven en(de) beneden Ende die laten thue(re)n afsceyden(e)/ gelijck zij die nu bevonden hebben Te weten(e) onderhalf/ dach(mail) achter de kercke van berthem Item een dach(mail) lants/ opt beynacker Item een dach(mail) opt waelput bove(n)/ thellegrecht all met wynt(er)coren(e) basaeyt Ende
//
dande(re) lande te weten(e) de vi dach(mail) in eene(n) stuck gelegen/ neven den steenpoel lynde neven der hee(re)n van corby/ eens o(m)me gedaen ende alle dande(re) lande brake Ende/ alle dese vorweerden (et)c(etera) cor(am) hoeven boechout julii ix